Nitya
Parayana Slokas - నిత్య పారాయణ శ్లోకాః
ప్రభాత
శ్లోకః
కరాగ్రే వసతే లక్ష్మీః కర్మధ్యే సరస్వతీ|
కరమూలే స్థితా గౌరీ ప్రభాతే కరదర్శనం ||1||
(కరమూలే తు గోవిందః ప్రభాతే కరదర్శనం)
ప్రభాత భూమి శ్లోకః
సముద్ర వసనే దేవీ పర్వత స్తన మండలే|
విష్ణుపత్ని నమస్తుభ్యం, పాదస్పర్శం క్షమస్వమే
||
సూర్యోదయ శ్లోకః
బ్రహ్మస్వరూప ముదయే మధ్యాహ్నేతు మహేశ్వరం|
సాహం ధ్యాయేత్సదా విష్ణుం త్రిమూర్తిం చ దివాకరం ||
స్నాన శ్లోకః
గంగే చ యమునే చైవ గోదావరీ సరస్వతీ
నర్మదే సింధు కావేరీ జలేస్మిన్ సన్నిధిం కురు ||
నమస్కార శ్లోకః
త్వమేవ మాతా చ పితా త్వమేవ, త్వమేవ
బంధుశ్చ సఖా త్వమేవ|
త్వమేవ విద్యా ద్రవిణం త్వమేవ, త్వమేవ సర్వం
మమ దేవదేవ ||
భస్మ ధారణ శ్లోకః
శ్రీకరం చ పవిత్రం చ శోక నివారణం|
లోకే వశీకరం పుంసాం భస్మం త్ర్యైలోక్య పావనమ్ ||
భోజన పూర్వ శ్లోకాః - అన్నపూర్ణ శ్లోకః
బ్రహ్మార్పణం బ్రహ్మ హవిః బ్రహ్మాగ్నౌ బ్రహ్మణాహుతమ్|
బ్రహ్మైవ తేన గంతవ్యం బ్రహ్మ కర్మ సమాధినః ||1||
అహం వైశ్వానరో భూత్వా ప్రాణినాం
దేహమాశ్రితః|
ప్రాణాపాన సమాయుక్తః పచామ్యన్నం చతుర్విధమ్ ||2||
అన్నపూర్ణే సదాపూర్ణే శంకర ప్రాణవల్లభే|
జ్ఞానవైరాగ్య సిద్ధ్యర్థం భిక్షాం దేహి చ పార్వతి ||3||
త్వదీయం వస్తు గోవింద తుభ్యమేవ సమర్పయే|
గృహాణ సుముఖో భూత్వా ప్రసీద పరమేశ్వర ||4||
భోజనానంతర శ్లోకః
అగస్త్యం వైనతేయం చ శమీం చ బడబాలనమ్|
ఆహార పరిణామార్థం స్మరామి చ వృకోదరమ్ ||
సంధ్యా దీప దర్శన శ్లోకః
దీపజ్యోతిః పరం బ్రహ్మ దీపజ్యోతిర్జనార్దనః|
దీపో హరతు మే పాపం దీపజ్యోతి నమోఽస్తుతే
||1||
శుభం కరోతి కళ్యాణం ఆరోగ్యం ధనసంపదః|
శత్రు బుద్ధి వినాశాయ దీపజ్యోతి నమోఽస్తుతే
||2||
నిద్ర శ్లోకః
రామం స్కంధం హనుమంతం వైనతేయం వృకోదరమ్|
శయనే యః స్మరేన్నిత్యం దుస్వప్న స్తస్యనశ్యతి ||
అపరాధ క్షమాపణ స్తోత్రం
అపరాధ సహస్రాణి, క్రియంతేఽహర్నిశం మయా|
దాసోఽయమితి మాం మత్వా, క్షమస్వ పరమేశ్వర ||1||
కరచరణ కృతం వా
కర్మ వాక్కాయజం వా|
శ్రవణ నయనజం వా మానసం వాపరాధమ్ ||2||
విహిత మవిహితం వా
సర్వమేతత్ క్షమస్వ|
శివ శివ కరుణాబ్ధే శ్రీ మహాదేవ శంభో ||3||
కాయేన వాచా మనసేంద్రియైర్వా|
బుద్ధ్యాత్మనా వా ప్రకృతేః స్వభావాత్ ||4||
కరోమి యద్యత్సకలం పరస్మై|
నారాయణాయేతి సమర్పయామి ||5||
విశేష మంత్రాః
పంచాక్షరీ మంత్రం - ఓం నమశ్శివాయ
అష్టాక్షరీ మంత్రం - ఓం నమో నారాయణాయ
ద్వాదశాక్షరీ మంత్రం - ఓం నమో భగవతే వాసుదేవాయ
దేవతా స్తోత్రం
కార్య
ప్రారంభ స్తోత్రం
శుక్లాం బరధరం విష్ణుం శశివర్ణం చతుర్భుజమ్|
ప్రసన్నవదనం ధ్యాయేత్ సర్వ విఘ్నోపశాంతయే ||1||
యస్యద్విరద
వక్త్రాద్యాః పారిషద్యాః పరశ్శతమ్|
విఘ్నం నిఘ్నంతు సతతం విష్వక్సేనం తమాశ్రయే ||2||
గణేశ స్తోత్రం:
వక్రతుండ మహాకాయ సూర్యకోటి సమప్రభః|
నిర్విఘ్నం కురు మే దేవ సర్వ కార్యేషు సర్వదా ||1||
అగజానన పద్మార్కం గజానన మహర్నిశమ్|
అనేకదంతం భక్తానాం ఏకదంత ముపాస్మహే ||2||
గురు శ్లోకః
గురుర్బ్రహ్మ గురుర్విష్ణుః గురుర్దేవో మహేశ్వరః|
గురుః సాక్షాత్ పరబ్రహ్మ తస్మై శ్రీ గురవే నమః ||
గాయత్రి మంత్రం
ఓం భూర్భువస్సువః తత్సవితుర్వరేణ్యం|
భర్గో దేవస్య ధీమహి ధియో యో నః ప్రచోదయాత్ ||
విష్ణు స్తోత్రం
శాంతాకారం భుజగశయనం పద్మనాభం సురేశం|
విశ్వాధారం గగన సదృశం మేఘవర్ణం శుభాంగమ్ ||1||
లక్ష్మీకాంతం కమలనయనం యోగిహృద్ధ్యానగమ్యం|
వందే విష్ణుం భవభయహరం సర్వలోకైకనాథమ్ ||2||
శివ
స్తోత్రం
త్య్రంబకం యజామహే సుగంధిం పుష్టివర్ధనం|
ఉర్వారుకమివ బంధనాన్ మృత్యోర్ముక్షీయ మాఽమృతాత్ ||1||
వందే శంభుముమాపతిం
సురగురుం వందే జగత్కారణం|
వందే పన్నగభూషణం శశిధరం వందే పశూనాం పతిం ||2||
వందే సూర్యశశాంక వహ్నినయనం వందే ముకుందప్రియం|
వందే భక్తజనాశ్రయం చ వరదం వందే శివం శంకరం ||3||
దేవీ శ్లోకః
సర్వ మంగల మాంగల్యే శివే సర్వార్థ సాధికే|
శరణ్యే త్ర్యంబకే దేవి నారాయణి నమోస్తుతే ||
సరస్వతీ శ్లోకః
సరస్వతీ నమస్తుభ్యం వరదే కామరూపిణీ|
విద్యారంభం కరిష్యామి సిద్ధిర్భవతు మే సదా ||
యా కుందేందు తుషార హార ధవళా, యా
శుభ్ర వస్త్రావృతా|
యా వీణా వరదండ మండిత కరా, యా శ్వేత పద్మాసనా|
యా బ్రహ్మాచ్యుత శంకర ప్రభృతిభిర్ దేవైః సదా పూజితా|
సా మాం పాతు సరస్వతీ భగవతీ నిశ్శేషజాడ్యాపహా ||
లక్ష్మీ శ్లోకః
లక్ష్మీం క్షీరసముద్ర రాజ తనయాం శ్రీరంగ ధామేశ్వరీమ్|
దాసీభూత సమస్త దేవ వనితాం లోకైక దీపాంకురామ్|
శ్రీమన్మంధ కటాక్ష లబ్ధ విభవ బ్రహ్మేంద్ర గంగాధరామ్|
త్వాం త్రైలోక్యకుటుంబినీం సరసిజాం వందే ముకుందప్రియమ్ ||
దుర్గా దేవీ స్తోత్రం
సర్వ స్వరూపే సర్వేశే సర్వ శక్తి సమన్వితే|
భయేభ్యస్తాహి నో దేవి దుర్గాదేవి నమోస్తుతే ||
త్రిపురసుందరీ స్తోత్రం
ఓంకార పంజర శుకీం ఉపనిషదుద్యాన కేళి కలకంఠీమ్|
ఆగమ విపిన మయూరీం ఆర్యాం అంతర్విభావయేద్గౌరీమ్ ||
వేంకటేశ్వర శ్లోకః
శ్రియః కాంతాయ కళ్యాణనిధయే నిధయేఽర్థినామ్|
శ్రీ వేంకట నివాసాయ శ్రీనివాసాయ మంగళమ్ ||
దక్షిణామూర్తి శ్లోకః
గురవే సర్వలోకానాం భిషజే భవరోగిణామ్|
నిధయే సర్వవిద్యానాం దక్షిణామూర్తయే నమః ||
సుబ్రహ్మణ్య స్తోత్రం
శక్తిహస్తం విరూపాక్షం శిఖివాహం షడాననం|
దారుణం రిపురోగఘ్నం భావయే కుక్కుట ధ్వజమ్ ||1||
స్కందం షణ్ముఖం దేవం శివతేజం చతుర్భుజం|
కుమారం స్వామినాధం తం కార్తికేయం నమామ్యహమ్ ||2||
హనుమాన్
స్తోత్రాః
మనోజవం మారుత తుల్యవేగం జితేంద్రియం బుద్ధిమతాం వరిష్టమ్|
వాతాత్మజం వానరయూధ ముఖ్యం శ్రీరామదూతం శిరసా నమామి ||1||
బుద్ధిర్బలం యశోధైర్యం
నిర్భయత్వమరోగతా|
అజాడ్యం వాక్పటుత్వం చ హనుమస్స్మరణాద్ భవేత్ ||2||
జయత్యతి బలో రామో
లక్ష్మణస్య మహాబలః|
రాజా జయతి సుగ్రీవో రాఘవేణాభి పాలితః ||3||
దాసోఽహం
కోసలేంద్రస్య రామస్యాక్లిష్ట కర్మణః|
హనుమాన్ శత్రుసైన్యానాం నిహంతా మారుతాత్మజః ||4||
శ్రీరామ
స్తోత్రం
శ్రీ రామ రామ రామేతి రమే రామే మనోరమే
సహస్రనామ తత్తుల్యం రామ నామ వరాననే
శ్రీ రామచంద్రః
శ్రితపారిజాతః సమస్త కళ్యాణ గుణాభిరామః|
సీతా ముఖాంభోరుహాచంచరీకో నిరంతరం మంగళమాతనోతు ||
శ్రీకృష్ణ స్తోత్రం
మందారమూలే మదనాభిరామం
బింబాధరాపూరిత వేణునాదమ్|
గోగోప గోపీజన మధ్యసంస్థం
గోపం భజే గోకుల పూర్ణచంద్రమ్ ||
దక్షిణామూర్తి స్తోత్రం
గురవే సర్వలోకానాం భిషజే భవరోగిణామ్|
నిధయే సర్వ విద్యానాం శ్రీ దక్షిణామూర్తయే నమ ||
గరుడ స్వామి స్తోత్రం
కుంకుమాంకితవర్ణాయ కుందేందు ధవళాయ చ|
విష్ణు వాహ నమస్తుభ్యం పక్షిరాజాయ తే నమః ||
బౌద్ధ ప్రార్థన
బుద్ధం శరణం గచ్ఛామి
ధర్మం శరణం గచ్ఛామి
సంఘం శరణం గచ్ఛామి
స్వస్తి మంత్రాః
స్వస్తి ప్రజాభ్యః పరిపాలయంతాం
న్యాయేన మార్గేణ మహీం మహీశాః|
గోబ్రాహ్మణేభ్య శ్శుభమస్తు నిత్యం
లోకాస్సమస్తా స్సుఖినో భవంతు ||
కాలే వర్షతు
పర్జన్యః పృథివీ సస్యశాలినీ|
దేశోయం క్షోభరహితో బ్రాహ్మణాస్సంతు నిర్భయాః ||
శాంతి మంత్రం
అసతోమా సద్గమయా|
తమసోమా జ్యోతిర్గమయా|
మృత్యోర్మా అమృతంగమయా|
ఓం శాంతిః శాంతిః శాంతిః
సర్వే భవంతు సుఖినః సర్వే సంతు నిరామయాః|
సర్వే భద్రాణి పశ్యంతు మా కశ్చిద్దుఃఖ భాగ్భవేత్ ||
ఓం శాంతిః శాంతిః శాంతిః
ఓం సర్వేషాం స్వస్తిర్భవతు,
సర్వేషాం శాంతిర్భవతు|
సర్వేషాం పూర్ణం భవతు,
సర్వేషాం మంగళం భవతు|
ఓం శాంతిః శాంతిః శాంతిః
ఓం సహ నావవతు స నౌ భునక్తు సహ వీర్యం కరవావహై|
తేజస్వినావధీతమస్తు మా విద్విషావహై ||
ఓం శాంతిః శాంతిః శాంతిః ||