Chandra Kavacham – శ్రీ చంద్ర కవచం

Chandra Kavacham – శ్రీ చంద్ర కవచం

 

అస్య శ్రీచంద్రకవచస్తోత్ర మహామంత్రస్య గౌతమ ఋషిః,  అనుష్టుప్ ఛందః, సోమో దేవతా, రం బీజం, సం శక్తిః, ఓం కీలకం, మమ సోమగ్రహ ప్రసాద సిద్ధ్యర్థే జపే వినియోగః ||

 

కరన్యాసః -

వాం అంగుష్ఠాభ్యాం నమః |

వీం తర్జనీభ్యాం నమః |

వూం మధ్యమాభ్యాం నమః |

వైం అనామికాభ్యాం నమః |

వౌం కనిష్ఠికాభ్యాం నమః |

వః కరతలకరపృష్ఠాభ్యాం నమః ||

 

అంగన్యాసః -

వాం హృదయాయ నమః |

వీం శిరసే స్వాహా |

వూం శిఖాయై వషట్ |

వైం కవచాయ హుం |

వౌం నేత్రత్రయాయ వౌషట్ |

వః అస్త్రాయ ఫట్ |

భూర్భువస్సువరోమితి దిగ్బంధః ||

 

ధ్యానం -

సోమం ద్విభుజపద్మం చ  శుక్లా  మ్బరధరం శుభం |

శ్వేతగన్ధానులేపం చ ముక్తాభరణభూషణమ్ |

శ్వేతాశ్వరథమారూఢం మేరుం చైవ ప్రదక్షిణం |

సోమం చతుర్భుజం దేవం కేయూరమకుటోజ్జ్వలమ్ |

 

వాసుదేవస్య నయనం శంకరస్య చ భూషణం |

ఏవం ధ్యాత్వా జపేన్నిత్యం చంద్రస్య కవచం ముదా ||

 

అథ కవచం -

శశీ పాతు శిరోదేశే ఫాలం పాతు కళానిధిః |

చక్షుషీ చంద్రమాః పాతు శ్రుతీ పాతు కళాత్మకః || 1 ||

 

ఘ్రాణం పక్షకరః పాతు ముఖం కుముదబాంధవః |

సోమః కరౌ తు మే పాతు స్కన్ధౌ పాతు సుధాత్మకః || 2 ||

 

ఊరూ మైత్రీనిధిః పాతు మధ్యం పాతు నిశాకరః |

కటిం సుధాకరః పాతు ఉరః పాతు శశంధరః || 3 ||

 

మృగాంకో జానునీ పాతు జంఘే పాత్వమృతాబ్ధిజః |

పాదౌ హిమకరః పాతు పాతు చంద్రోఽఖిలం వపుః || 4 ||

 

ఏతద్ధి కవచం పుణ్యం భుక్తిముక్తిప్రదాయకం |

యః పఠేచ్ఛృణుయాద్వాపి సర్వత్ర విజయీ భవేత్ || 5 ||

 

|| ఇతి శ్రీ బ్రహ్మవైవర్త మహాపురాణే దక్షిణఖండే శ్రీ చంద్ర కవచం సంపూర్ణం ||