Runa Vimochana Angaraka (Kuja)
Stotram - ఋణ విమోచక అంగారక (కుజ) స్తోత్రం
ఋణగ్రస్తస్య ఋణవిమోచనార్ధం
అంగరకస్తోత్ర మంత్రః
స్కంద ఉవాచ:-
ఋణగ్రస్తనరాణాం తు ఋణముక్తిః కథం
భవేత్|
బ్రహ్మోవాచ:-
వక్ష్యేఽహం సర్వలోకానాం హితార్థం
హితకామదమ్|
అస్య శ్రీ అంగారక స్తోత్ర
మహామంత్రస్య గౌతమ ఋషిః, అనుష్టుప్ ఛందః, అంగారకో
దేవతా మమ ఋణ విమోచనార్థే జపే వినియోగః|
ధ్యానం:-
రక్తమాల్యాంబరధరః శూలశక్తిగదాధరః|
చతుర్భుజో మేషగతో వరదశ్చ ధరాసుతః ||1||
ధరణీ గర్భ సంభూతం విద్యుత్కాంతి
సమప్రభమ్|
కుమారం శక్తిహస్తం తం కుజం
ప్రణమామ్యహమ్ ||2||
అథ స్తోత్రం:-
మంగళో భూమిపుత్రశ్చ ఋణహర్తా ధనప్రదః|
స్థిరాసనో మహాకాయః సర్వకర్మావబోధకః ||3||
లోహితో లోహితాంగశ్చ సామగాయీ కృపాకరః|
ధర్మరాజః కుజో భౌమో భూమిజో
భూమినందనః ||4||
అంగారకో యమశ్చైవ సర్వరోగాపహారకః|
సృష్టికర్తాఽపహర్తా చ సర్వకామ
ఫలప్రదః ||5||
భూతిదో గ్రహపూజ్యశ్చ వక్త్రో
రక్తవపుః ప్రభుః|
ఏతాని కుజనామాని యో నిత్యం ప్రయతః
పఠేత్|
ఋణం నజాయతే తస్య ధనం
ప్రాప్నోత్యసంశయమ్ ||6||
రక్త గంధైశ్చ పుష్పైశ్చ దీప
ధూపాదిభిస్తథా|
మంగళం పూజయిత్వాతు మంగళేఽహని సర్వదా
||7||
ఋణరేఖాః ప్రకర్తవ్యాః
దగ్ధాంగారైస్తదగ్రతః|
సప్తవింశతినామాని పఠిత్వాతు తదంతికే
||8||
తాశ్చ ప్రమార్జయేత్పశ్చాద్వామపాదేన
సంస్పృశన్|
ఏవం కృత్వా న సందేహో ఋణహీనో ధనీ
భవేత్ ||9||
భూమిజస్య ప్రసాదేన గ్రహపీడా
వినశ్యతి|
యేనార్జితా జగత్కీర్తిర్భూమిపుత్రేణ
శాశ్వతీ ||10||
శత్రవశ్చ హతా యేన భౌమేన మహితాత్మనా|
స ప్రీయతాం తు భౌమోఽద్య తుష్టో
భూయాత్ సదా మమ ||11||
మూలమంత్రః –
అంగారక మహీపుత్ర భగవన్ భక్తవత్సల|
నమోఽస్తు తే మమా శేష ఋణమాశు వినాశాయ
||12||
అర్ఘ్యం:–
భూమిపుత్ర మహాతేజః స్వేదోద్భవ
పినాకినః|
ఋణార్తస్త్వాం ప్రపన్నోఽస్మి
గృహాణార్ఘ్యం నమోఽస్తు తే ||13||
|| ఇతి ఋణ విమోచన అంగారక కుజ
స్తోత్రం సమాప్తం ||