Chandrasekhara Ashtakam - చంద్రశేఖరాష్టకం
చంద్రశేఖర చంద్రశేఖర
చంద్రశేఖర పాహిమామ్|
చంద్రశేఖర చంద్రశేఖర
చంద్రశేఖర రక్షమామ్ ||1||
రత్నసాను శరాసనం రజతాద్రి శృంగ నికేతనం
శింజినీకృత పన్నగేశ్వర మచ్యుతానల సాయకమ్|
క్షిప్రదగ్ద పురత్రయం త్రిదశాలయై-రభివందితం
చంద్రశేఖరమాశ్రయే మమ కిం కరిష్యతి వై యమః ||1||
పంచపాదప పుష్పగంధ పదాంబుజ ద్వయశోభితం
ఫాలలోచన జాతపావక దగ్ధ మన్మధ విగ్రహమ్|
భస్మదిగ్ధ కళేబరం భవనాశనం భవ మవ్యయం
చంద్రశేఖర చంద్రశేఖర చంద్రశేఖర రక్షమామ్ ||2||
మత్తవారణ ముఖ్యచర్మ కృతోత్తరీయ మనోహరం
పంకజాసన పద్మలోచన పూజితాంఘ్రి సరోరుహమ్|
దేవ సింధు తరంగ శ్రీకర సిక్త శుభ్ర జటాధరం
చంద్రశేఖర చంద్రశేఖర చంద్రశేఖర పాహిమామ్ ||3||
యక్ష రాజసఖం భగాక్ష హరం భుజంగ విభూషణం
శైలరాజ సుతా పరిష్కృత చారువామ కళేబరమ్|
క్షేళ నీలగళం పరశ్వధ ధారిణం మృగధారిణం
చంద్రశేఖర చంద్రశేఖర చంద్రశేఖర పాహిమామ్ ||4||
కుండలీకృత కుండలీశ్వర కుండలం వృషవాహనం
నారదాది మునీశ్వర స్తుతవైభవం భువనేశ్వరమ్|
అంధకాంతక మాశ్రితామర పాదపం శమనాంతకం
చంద్రశేఖర చంద్రశేఖర చంద్రశేఖర రక్షమామ్ ||5||
భేషజం భవరోగిణా మఖిలాపదా మపహారిణం
దక్షయజ్ఞ వినాశనం త్రిగుణాత్మకం
త్రివిలోచనమ్|
భక్తి ముక్తి ఫలప్రదం సకలాఘ సంఘ నిబర్హణం
చంద్రశేఖర చంద్రశేఖర చంద్రశేఖర రక్షమామ్ ||6||
భక్తవత్సల-మర్చితం నిధిమక్షయం హరిదంబరం
సర్వభూత పతిం పరాత్పర-మప్రమేయ మనుత్తమమ్|
సోమవారుణ భూహుతాశన సోమ పాద్యఖిలాకృతిం
చంద్రశేఖర చంద్రశేఖర చంద్రశేఖర పాహిమామ్ ||7||
విశ్వసృష్టి విధాయకం పునరేవపాలన తత్పరం
సంహరం తమపి ప్రపంచ మశేషలోక నివాసినమ్|
క్రీడయంత మహర్నిశం గణనాథ యూథ సమన్వితం
చంద్రశేఖర చంద్రశేఖర చంద్రశేఖర రక్షమామ్ ||8||
మృత్యుభీత మృకండుసూనుకృతస్తవం శివసన్నిధౌ
యత్ర కుత్ర చ యః పఠేన్న హి తస్య మృత్యుభయం
భవేత్|
పూర్ణమాయురరోగతామఖిలార్థసంపదమాదరం
చంద్రశేఖర ఏవ తస్య దదాతి ముక్తిమయత్నతః ||9||
సంసార సర్ప దష్టానాం జంతూనా మవివేకినాం
చంద్రశేఖర పాదాబ్జ స్మరణం పరమౌషధం ||10||
రుద్రం పశుపతిం స్థాణుం నీలకంఠ ముమాపతిం
నమామి శిరసా దేవం కింనో మృత్యుః కరిష్యతి ||11||
కాలకంఠం కలామూర్తిం కాలాగ్నిం కాలనాశనం
నమామి శిరసా దేవం కింనో మృత్యుః కరిష్యతి ||12||
అనంతమవ్యయం శాంత మక్షమాలాధరం హరం
నమామి శిరసా దేవం కింనో మృత్యుః కరిష్యతి ||13||
ఆనందం పరమం నిత్యం కైవల్యపద కారణం
నమామి శిరసా దేవం కింనో మృత్యుః కరిష్యతి ||14||
దేవదేవం జగన్నాధం దేవేశం వృషధ్వజం
నమామి శిరసా దేవం కింనో మృత్యుః కరిష్యతి ||15||
స్వర్గాపవర్గదాతారం సృష్టి స్థిత్యంతకారణం
నమామి శిరసా దేవం కింనో మృత్యుః కరిష్యతి ||16||
గంగాధరం శశిధరం శంకరం శూలపాణినం
నమామి శిరసా దేవం కింనో మృత్యుః కరిష్యతి ||17||
భస్మోద్ధూళిత సర్వాంగం నాగాభరణ భూషితం
నమామి శిరసా దేవం కింనో మృత్యుః కరిష్యతి ||18||
మార్కండేయ
కృతం స్తోత్రం యః పఠేచ్ఛివసన్నిధౌ తస్య మృత్యుభయం నాస్తి సత్యం సత్యంవదామ్యహం
శివేశాన మహాదేవ వాసుదేవ సదాశివ కల్పాయుర్దేహిమే పూర్ణం యావదాయురరోగతాం ||
|| ఇతి శ్రీ చంద్రశేఖరాష్టకం సమాప్తం
||