Sri Krishna Ashtakam - శ్రీ
కృష్ణాష్టకం
వసుదేవ సుతం దేవం కంస చాణూర మర్దనమ్|
దేవకీ పరమానందం కృష్ణం వందే జగద్గురుమ్ ||1||
అతసీ పుష్ప సంకాశం హార నూపుర శోభితమ్|
రత్న కంకణ కేయూరం కృష్ణం వందే జగద్గురుమ్ ||2||
కుటిలాలక సంయుక్తం పూర్ణచంద్ర నిభాననమ్|
విలసత్ కుండలధరం కృష్ణం వందే జగద్గురమ్ ||3||
మందార గంధ సంయుక్తం చారుహాసం చతుర్భుజమ్|
బర్హి పింఛావ చూడాంగం కృష్ణం వందే
జగద్గురుమ్ ||4||
ఉత్ఫుల్ల పద్మపత్రాక్షం నీల జీమూత సన్నిభమ్|
యాదవానాం శిరోరత్నం కృష్ణం వందే జగద్గురుమ్
||5||
రుక్మిణీ కేళి సంయుక్తం పీతాంబర సుశోభితమ్|
అవాప్త తులసీ గంధం కృష్ణం వందే జగద్గురుమ్ ||6||
గోపికానాం కుచద్వంద కుంకుమాంకిత వక్షసమ్|
శ్రీనికేతం మహేష్వాసం కృష్ణం వందే
జగద్గురుమ్ ||7||
శ్రీవత్సాంకం మహోరస్కం వనమాలా విరాజితమ్|
శంఖచక్ర ధరం దేవం కృష్ణం వందే జగద్గురుమ్ ||8||
కృష్ణాష్టక మిదం పుణ్యం ప్రాతరుత్థాయ యః
పఠేత్|
కోటిజన్మ కృతం పాపం స్మరణేన వినశ్యతి ||9||
|| ఇతి శ్రీ కృష్ణాష్టకం సమాప్తం ||