Lakshmi Kavacham – శ్రీ
లక్ష్మీ కవచం
శుకం ప్రతి బ్రహ్మోవాచ
మహాలక్ష్మ్యాః ప్రవక్ష్యామి కవచం
సర్వకామదమ్ |
సర్వపాప ప్రశమనం దుష్టవ్యాధి
వినాశనమ్ || 1 ||
గ్రహపీడా ప్రశమనం గ్రహారిష్ట
ప్రభఞ్జనమ్ |
దుష్టమృత్యు ప్రశమనం
దుష్టదారిద్ర్యనాశనమ్ || 2 ||
పుత్రపౌత్ర ప్రజననం
వివాహప్రదమిష్టదమ్ |
చోరారిహారి జపతామఖిలేప్సితదాయకమ్ || 3 ||
సావధానమనా భూత్వా శృణు త్వం శుక
సత్తమ |
అనేకజన్మసంసిద్ధి లభ్యం
ముక్తిఫలప్రదమ్ || 4 ||
ధనధాన్య మహారాజ్య - సర్వసౌభాగ్య
కల్పకమ్ |
సకృత్స్మరణమాత్రేణ మహాలక్ష్మీః
ప్రసీదతి || 5 ||
క్షీరాబ్ధిమధ్యే పద్మానాం కాననే
మణిమణ్టపే |
తన్మధ్యే సుస్థితాం దేవీం
మనీషిజనసేవితామ్ || 6 ||
సుస్నాతాం
పుష్పసురభికుటిలాలకబన్ధనామ్ |
పూర్ణేన్దుబిమ్బవదనా -
మర్ధచన్ద్రలలాటికామ్ || 7 ||
ఇన్దీవరేక్షణాం కామకోదండభ్రువమీశ్వరీమ్
|
తిలప్రసవసంస్పర్ధినాసికాలఙ్కృతాం
శ్రియమ్ || 8 ||
కున్దకుట్మలదన్తాలిం
బంధూకాధరపల్లవామ్ |
దర్పణాకారవిమలకపోలద్వితయోజ్జ్వలామ్ || 9 ||
రత్నతాటఙ్కకలితకర్ణద్వితయసుందరామ్ |
మాఙ్గల్యాభరణోపేతాం కంబుకణ్ఠీం
జగత్ప్రసూమ్ || 10 ||
తారహారిమనోహారికుచకుమ్భవిభూషితామ్ |
రత్నాఙ్గదాదిలలితకరపద్మ చతుష్టయామ్ || 11 ||
కమలే చ సుపత్రాఢ్యే హ్యభయం దధతీం
వరమ్ |
రోమరాజికలాచారుభుగ్ననాభితలోదరీమ్ || 12 ||
పట్టవస్త్రసముద్భాసిసునితమ్బాదిలక్షణామ్
|
కాఞ్చనస్తమ్భవిభ్రాజద్వరజానూరుశోభితామ్
||
13 ||
స్మరకాహలికాగర్వహారిజంఘాం
హరిప్రియామ్ |
కమఠీపృష్ఠసదృశపాదాబ్జాం
చన్ద్రసన్నిభామ్ || 14 ||
పఙ్కజోదరలావణ్యసున్దరాఙ్ఘ్రితలాం
శ్రియమ్ |
సర్వాభరణసంయుక్తాం
సర్వలక్షణలక్షితామ్ || 15 ||
పితామహమహాప్రీతాం నిత్యతృప్తాం
హరిప్రియామ్ |
నిత్యం కారుణ్యలలితాం
కస్తూరీలేపితాఙ్గికామ్ || 16 ||
సర్వమంత్రమయాం లక్ష్మీం
శ్రుతిశాస్త్రస్వరూపిణీమ్ |
పరబ్రహ్మమయాం దేవీం పద్మనాభ
కుటుంబినీం |
ఏవం ధ్యాత్వా మహాలక్ష్మీం
పఠేత్తత్కవచం పరమ్ || 17 ||
ధ్యానం
ఏకం న్యఞ్చ్యనతిక్షమం మమపరం
చాకుఞ్చ్యపాదాంబుజం
మధ్యే విష్టరపుండరీకమభయం విన్యస్త
హస్తాంబుజం |
త్వాం పశ్యేమ నిషేదుషీమనుకలం
కారుణ్యకూలంకష-
స్ఫారాపాఙ్గతరఙ్గమంబ మధురం ముగ్ధం
ముఖం బిభ్రతీమ్ || 1 ||
అథ కవచం
మహాలక్ష్మీః శిరః పాతు లలాటం మమ
పఙ్కజా |
కర్ణే రక్షేద్రమా పాతు నయనే
నలినాలయా || 1 ||
నాసికామవతాదమ్బా వాచం వాగ్రూపిణీ మమ
|
దన్తానవతు జిహ్వాం శ్రీరధరోష్ఠం
హరిప్రియా || 2 ||
చుబుకం పాతు వరదా గలం గన్ధర్వసేవితా
|
వక్షః కుక్షిం కరౌ పాయుం
పృష్ఠమవ్యాద్రమా స్వయమ్ || 3 ||
కటిమూరుద్వయం జాను జంఘం పాతు రమా మమ
|
సర్వాఙ్గమిన్ద్రియం
ప్రాణాన్పాయాదాయాసహారిణీ || 4 ||
సప్తధాతూన్స్వయం చాపి రక్తం శుక్రం
మనో మమ |
జ్ఞానం బుద్ధిం మహోత్సాహం సర్వం మే
పాతు పఙ్కజా || 5 ||
మయా కృతం చ యత్కిఞ్చిత్తత్సర్వం
పాతు సేన్దిరా |
మమాయురవతాల్లక్ష్మీః భార్యాం
పుత్రాంశ్చ పుత్రికా || 6 ||
మిత్రాణి పాతు సతతమఖిలాని హరిప్రియా
|
పాతకం నాశయేల్లక్ష్మీః మమారిష్టం
హరేద్రమా || 7 ||
మమారినాశనార్థాయ మాయామృత్యుం
జయేద్బలమ్ |
సర్వాభీష్టం తు మే దద్యాత్పాతు మాం
కమలాలయా || 8 ||
ఫలశ్రుతిః
య ఇదం కవచం దివ్యం రమాత్మా ప్రయతః
పఠేత్ |
సర్వసిద్ధి మవాప్నోతి సర్వరక్షాం తు
శాశ్వతీమ్ || 1 ||
దీర్ఘాయుష్మాన్భవేన్నిత్యం
సర్వసౌభాగ్య కల్పకమ్ |
సర్వజ్ఞస్సర్వదర్శీ చ సుఖదశ్చ
సుఖోజ్జ్వలః || 2 ||
సుపుత్రో గోపతిః శ్రీమాన్ భవిష్యతి
న సంశయః |
తద్గృహే న భవేద్బ్రహ్మన్
దారిద్ర్యదురితాదికమ్ || 3 ||
నాగ్నినా దహ్యతే గేహం న చోరాద్యైశ్చ
పీడ్యతే |
భూతప్రేత పిశాచాద్యాః సన్త్రస్తా
యాన్తి దూరతః || 4 ||
లిఖిత్వా స్థాపయేద్యత్ర తత్ర
సిద్ధిర్భవేద్ధ్రువమ్ |
నాపమృత్యు మవాప్నోతి దేహాన్తే
ముక్తిభాగ్భవేత్ || 5 ||
ఆయుష్యం పౌష్టికం మేధ్యం ధాన్యం
దుస్స్వప్ననాశనమ్ |
ప్రజాకరం పవిత్రం చ
దుర్భిక్షార్తివినాశనమ్ || 6 ||
చిత్తప్రసాదజననం
మహామృత్యుప్రశాన్తిదమ్ |
మహారోగజ్వరహరం బ్రహ్మహత్యాదిశోధనమ్ || 7 ||
మహాధనప్రదం చైవ పఠితవ్యం
సుఖార్థిభిః |
ధనార్థీ ధనమాప్నోతి వివాహార్థీ
లభేద్వధూమ్ || 8 ||
విద్యార్థీ లభతే విద్యాం పుత్రార్థీ
గుణవత్సుతమ్ |
రాజ్యార్థీ రాజ్యమాప్నోతి
సత్యముక్తం మయా శుక || 9 ||
ఏతద్దేవ్యాః ప్రసాదేన శుకః
కవచమాప్తవాన్ |
కవచానుగ్రహేణైవ సర్వాన్కామానవాప సః || 10 ||
|| ఇతి శుకం ప్రతి బ్రహ్మప్రోక్త శ్రీ లక్ష్మీ కవచం సమాప్తం ||