Durga Stotram Yudhishthira Kritam | శ్రీ దుర్గా స్తోత్రం
(యుధిష్టిర కృతం)
మహాభారతంలోని ఒక ప్రసిద్ధ
స్తోత్రం యుధిష్ఠిర కృతం దుర్గా స్తోత్రం. యుధిష్టిరుడు దుర్గాదేవిని ప్రార్థిస్తూ
వ్రాసాడు. ఈ స్తోత్రం ధైర్యం, బలం
మరియు విజయానికి మూలం.
ఈ స్తోత్రం దుర్గా దేవి
యొక్క కరుణ మరియు బలాన్ని వివరిస్తుంది. యుధిష్ఠిరుడు తన కష్టాలను దూరం చేసి
విజయాన్ని గెలిచి తీరాలని కోరుకుంటాడు. ఈ స్తోత్రాన్ని జపించడం ద్వారా మనస్సు
ప్రశాంతంగా ఉంటుంది. పరిస్థితులు కఠినంగా ఉన్నప్పుడు ధైర్యంగా మారడానికి ఇది
సహాయపడుతుంది. ఈ స్తోత్రాన్ని పఠించడం ద్వారా విజయం సాధించవచ్చు.
ఈ స్తోత్రాన్ని ప్రతిరోజూ
పఠించడం ద్వారా దుర్గాదేవి కరుణను పొందవచ్చు.
విరాట నగరం రంయం గచ్ఛమానో
యుధిష్ఠిరః |
అస్తువన్మనసా దేవీం
దుర్గాం త్రిభువనేశ్వరీం || 1 ||
యశోదా గర్భసంభూతాం నారాయణ
వరప్రియాం |
నందగోప కులే జాతాం
మంగళ్యాం కులవర్ధినీం || 2 ||
కంసవిద్రావణకరీమసురాణాం
క్షయంకరీం |
శిలాతటవినిక్షిప్తామాకాశం
ప్రతి గామినీం || 3 ||
వాసుదేవస్య భగినీం
దివ్యమాల్య విభూషితాం |
దివ్యాంబరధరాం దేవీం
ఖడ్గఖేటకధారిణీం || 4 ||
భారావతరణే పుణ్యే యే
స్మరంతి సదాశివాం |
తాన్ వై తారయతే పాపాత్
పంకే గామివ దుర్బలాం || 5 ||
స్తోతుం ప్రచక్రమే భూయో
వివిధైః స్తోత్రసంభవైః |
ఆమంత్ర్య దర్శనాకాంక్షీ
రాజా దేవీం సహానుజః || 6 ||
నమోఽస్తు వరదే కృష్ణే
కుమారి బ్రహ్మచారిణి |
బాలార్కసదృశాకారే
పూర్ణచంద్రనిభాననే || 7 ||
చతుర్భుజే చతుర్వక్త్రే
పీనశ్రోణిపయోధరే |
మయూరపిచ్ఛవలయే
కేయూరాంగదధారిణి || 8 ||
భాసి దేవి యథా పద్మా
నారాయణపరిగ్రహః |
స్వరూపం బ్రహ్మచర్యం చ
విశదం తవ ఖేచరి || 9 ||
కృష్ణచ్ఛవిసమా కృష్ణా
సంకర్షణసమాననా |
బిభ్రతీ విపులౌ బాహూ
శక్రధ్వజసముచ్ఛ్రయౌ || 10 ||
పాత్రీ చ పంకజీ ఘంటీ
స్త్రీవిశుద్ధా చ యా భువి |
పాశం ధనుర్మహాచక్రం
వివిధాన్యాయుధాని చ || 11 ||
కుండలాభ్యాం
సుపూర్ణాభ్యాం కర్ణాభ్యాం చ విభూషితా |
చంద్రవిస్పర్ధినా దేవి
ముఖేన త్వం విరాజసే || 12 ||
ముకుటేన విచిత్రేణ
కేశబంధేన శోభినా |
భుజంగాభోగవాసేన
శ్రోణిసూత్రేణ రాజతా || 13 ||
విభ్రాజసే చాబద్ధేన
భోగేనేవేహ మందరః |
ధ్వజేన
శిఖిపిచ్ఛానాముచ్ఛ్రితేన విరాజసే || 14 ||
కౌమారం వ్రతమాస్థాయ
త్రిదివం పావితం త్వయా |
తేన త్వం స్తూయసే దేవి
త్రిదశైః పూజ్యసేఽపి చ || 15 ||
త్రైలోక్యరక్షణార్థాయ
మహిషాసుర నాశిని |
ప్రసన్నా మే సురశ్రేష్ఠే
దయాం కురు శివా భవ || 16 ||
జయా త్వం విజయా చైవ
సంగ్రామే చ జయప్రదా |
మమాపి విజయం దేహి వరదా
త్వం చ సాంప్రతం || 17 ||
వింధ్యే చైవ నగశ్రేష్ఠే
తవ స్థానం హి శాశ్వతం |
కాళి కాళి మహాకాళి
శీధుమాంసపశుప్రియే || 18 ||
కృతానుయాత్రా భూతైస్త్వం
వరదా కామచారిణీ |
భారావతారే యే చ త్వాం
సంస్మరిష్యంతి మానవాః || 19 ||
ప్రణమంతి చ యే త్వాం హి
ప్రభాతే తు నరా భువి |
న తేషాం దుర్లభం కించిత్
పుత్రతో ధనతోఽపి వా || 20 ||
దుర్గాత్ తారయసే దుర్గే
తత్ త్వం దుర్గా స్మృతా జనైః |
కాంతారేష్వవసన్నానాం
మగ్నానాం చ మహార్ణవే |
దస్యుభిర్వా నిరుద్ధానాం
త్వం గతిః పరమా నృణాం || 21 ||
జలప్రతరణే చైవ
కాంతారేష్వటవీషు చ |
యే స్మరంతి మహాదేవి న చ
సీదంతి తే నరాః || 22 ||
త్వం కీర్తిః శ్రీర్ధృతిః
సిద్ధిర్హ్రీర్విద్యా సంతతిర్మతిః |
సంధ్యా రాత్రిః ప్రభా
నిద్రా జ్యోత్స్నా కాంతిః క్షమా దయా || 23 ||
నృణాం చ బంధనం మోహం
పుత్రనాశం ధనక్షయం |
వ్యాధిం మృత్యుం భయం చైవ
పూజితా నాశయిష్యసి || 24 ||
సోఽహం రాజ్యాత్పరిభ్రష్టః
శరణం త్వాం ప్రపన్నవాన్ |
ప్రణతశ్చ యథా మూర్ధ్నా తవ
దేవి సురేశ్వరి || 25 ||
త్రాహి మాం పద్మపత్రాక్షి
సత్యే సత్యా భవస్వ నః |
శరణం భవ మే దుర్గే శరణ్యే
భక్తవత్సలే || 26 ||
ఏవం స్తుతా హి సా దేవీ
దర్శయామాస పాండవం |
ఉపగంయ తు రాజానామిదం
వచనమబ్రవీత్ || 27 ||
దేవ్యువాచ-
శృణు రాజన్ మహాబాహో మదీయం
వచనం ప్రభో |
భవిష్యత్యచిరాదేవ
సంగ్రామే విజయస్తవ || 28 ||
మమ ప్రసాదాన్నిర్జిత్య
హత్వా కౌరవవాహినీం |
రాజ్యం నిష్కంటకం కృత్వా
భోక్ష్యసే మేదినీం పునః || 29 ||
భాత్రృభిః సహితో రాజన్
ప్రీతిం ప్రాప్స్యసి పుష్కలాం |
మత్ప్రసాదాచ్చ తే
సౌఖ్యమారోగ్యం చ భవిష్యతి || 30 ||
యే చ సంకీర్తయిష్యంతి
లోకే విగతకల్మషాః |
తేషాం తుష్టా ప్రదాస్యామి
రాజ్యమాయుర్వపుః సుతం || 31 ||
ప్రవాసే నగరే చాపి
సంగ్రామే శత్రుసంకటే |
అటవ్యాం దుర్గకాంతారే
సాగరే గహనే గిరౌ || 32 ||
యే స్మరిష్యంతి మాం రాజన్
యథాఽహం భవతా స్మృతా |
న తేషాం దుర్లభం
కించిదస్మిల్లోకే భవిష్యతి || 33 ||
ఇదం స్తోత్రవరం భక్త్యా
శృణుయాద్వా పఠేత వా |
తస్య సర్వాణి కార్యాణి
సిద్ధిం యాస్యంతి పాండవాః || 34 ||
మత్ప్రసాదాచ్చ వః
సర్వాన్విరాటనగరే స్థితాన్ |
న ప్రజ్ఞాస్యంతి కురవో
నరా వా తన్నివాసినః || 35 ||
ఇత్యుక్త్వా వరదా దేవీ
యుధిష్ఠిరమరిందమం |
రక్షాం కృత్వా చ పాండూనాం
తత్రైవాంతరధీయత || 36 ||
|| ఇతి
శ్రీమన్ మహాభారతే విరాటపర్వణి అష్టమోఽధ్యాయే యుధిష్ఠిర కృత శ్రీ దుర్గా స్తోత్రం
సమాప్తం ||