Dadhi Vamana Stotram – దధి వామన
స్తోత్రం
హేమాద్రి శిఖరాకారం శుద్ధ
స్ఫటిక సన్నిభం
పూర్ణ చంద్రనిభం దేవం
ద్విభుజం స్మరేత్ || 1 ||
పద్మాసనస్థం దేవేశం చంద్ర
మండల మధ్యగం
జ్వలత్ కాలానల ప్రఖ్యం
తటిత్కోటి సమ ప్రభమ్ || 2 ||
సూర్య కోటి ప్రతీకాశం
చంద్ర కోటి సుశీతలం
చంద్ర మండల మధ్యస్థం
విష్ణుమవ్యయ మచ్యుతం || 3 ||
శ్రీవత్స కౌస్తుభోరస్కం
దివ్య రత్న విభూషితం
పీతాంబర ముదారాంగం వనమాలా
విభూషితం || 4 ||
సుందరం పుండరీకాక్షం
కిరీటేన విరాజితం
షోడశ స్త్రీ పరీవృతం
అప్సరో గణ సేవితం || 5 ||
సనకాది మునిగణైః
స్తూయమానం సమంతతః
ఋక్యజుస్సామాధర్వైర్గీయమానం
జనార్దనం || 6 ||
చతుర్ముఖాద్యైః దేవేశైః
స్తోత్రారాధన తత్పరైః
త్ర్యంబకో మహాదేవో
నృత్యతే యస్య సన్నిధౌ || 7 ||
దధి మిశ్రాన్న కబలం
రుక్మపాత్రం చ దక్షిణే
కరే తు చింతయేద్వామే
పీయూషమమలం సుధీః || 8 ||
సాధకానాం ప్రయచ్ఛంతం అన్న
పాన మనుత్తమం
బ్రాహ్మీ ముహూర్తేచోత్థాయ
ధ్యాయేద్దేవ మధోక్షజం || 9 ||
అతి సువిమల గాత్రం రుక్మ
పాత్రస్థమన్నం
సులలిత దధి ఖండం పాణినా
దక్షిణేన
కలశ మమృత పూర్ణం వామ
హస్తే దధానం
తరతి సకల దుఃఖాద్వామనం
భావయేద్యః || 10 ||
క్షీర మన్న మన్నదాతా
లభేదన్నాద యేవ చ
పురస్తా దన్న మాప్నోతి
పునరావృతి వర్జితం
ఆయురారోగ్య మైశ్వర్యం
లభతే చాన్న సంపదః || 11 ||
ఇదం స్తోత్రం పటేద్యస్తు
ప్రాతః కాలే ద్విజోత్తమః
అక్లేశాదన్నసిద్ధ్యర్థం
జ్ఞాన సిద్ధ్యర్థమేవ చ || 12 ||
అభ్ర శ్శ్యామ శుభ్ర
యజ్ఞోపవీతీ సత్కౌపీనః పీత కృష్ణాజిన శ్రీః
ఛత్రీ దండీ
పుండరీకాయతాక్షః పాయాద్దేవో వామనో బ్రహ్మచారీ || 13
||
అజిన దండ కమండలు మేఖలా
రుచిర పావన వామన మూర్తయే
మిత జగత్త్రితయాయ జితారయే
నిగమ వాక్పటవే వటవే నమః || 14 ||
శ్రీ భూమి సహితం దివ్యం
ముక్తామణి విభూషితం
నమామి వామనం విష్ణుం
భుక్తి ముక్తి ఫల ప్రదం || 15 ||
వామనో బుద్ధి దాతా చ
ద్రవ్యస్థో వామనః స్మృతః
వామన స్తారకోభాభ్యాం
వామనాయ నమో నమః || 16 ||
|| ఇతి
శ్రీ దధి వామన స్తోత్రం సంపూర్ణం ||