Dhana Lakshmi Stotram – శ్రీ
ధనలక్ష్మీ స్తోత్రం
శ్రీ ధనదా ఉవాచ -
దేవీ దేవముపాగమ్య నీలకంఠం
మమ ప్రియం |
కృపయా పార్వతీ ప్రాహ
శంకరం కరుణాకరం || 1 ||
శ్రీ దేవ్యువాచ -
బ్రూహి వల్లభ సాధూనాం దరిద్రాణాం
కుటుంబినాం |
దరిద్రదలనోపాయమంజసైవ
ధనప్రదం || 2 ||
శ్రీ శివ ఉవాచ -
పూజయన్
పార్వతీవాక్యమిదమాహ మహేశ్వరః |
ఉచితం జగదంబాసి తవ
భూతానుకంపయా || 3 ||
స సీతం సానుజం రామం
సాంజనేయం సహానుగం |
ప్రణమ్య పరమానందం
వక్ష్యేఽహం స్తోత్రముత్తమం || 4 ||
ధనదం శ్రద్ధధానానాం సద్యః
సులభకారకం |
యోగక్షేమకరం సత్యం
సత్యమేవ వచో మమ || 5 ||
పఠంతః పాఠయంతోఽపి
బ్రాహ్మణైరాస్తికోత్తమైః |
ధనలాభో భవేదాశు నాశమేతి
దరిద్రతా || 6 ||
భూభవాంశభవాం భూత్యై
భక్తికల్పలతాం శుభామ్ |
ప్రార్థయేత్తాం యథాకామం
కామధేను స్వరూపిణీం || 7 ||
ధనదే ధర్మదే దేవి దానశీలే
దయాకరే |
త్వం ప్రసీద మహేశాని
యదర్థం ప్రార్థయామ్యహం || 8 ||
ధరాఽమరప్రియే పుణ్యే
ధన్యే ధనదపూజితే |
సుధనం ధార్మికే దేహి
యజమానాయ సత్వరం || 9 ||
రమ్యే రుద్రప్రియే రూపే
రామరూపే రతిప్రియే |
శిఖీసఖమనోమూర్తే ప్రసీద
ప్రణతే మయి || 10 ||
ఆరక్తచరణాంభోజే
సిద్ధిసర్వార్థదాయికే |
దివ్యాంబరధరే దివ్యే
దివ్యమాల్యానుశోభితే || 11 ||
సమస్తగుణసంపన్నే
సర్వలక్షణలక్షితే |
శరచ్చంద్రముఖే నీలే
నీలనీరజలోచనే || 12 ||
చంచరీక చమూ చారు శ్రీహార
కుటిలాలకే |
మత్తే భగవతీ మాతః
కలకంఠరవామృతే || 13 ||
హాసాఽవలోకనైర్దివ్యైర్భక్తచింతాపహారికే
|
రూప లావణ్య తారూణ్య
కారూణ్య గుణభాజనే || 14 ||
క్వణత్కంకణమంజీరే
లసల్లీలాకరాంబుజే |
రుద్రప్రకాశితే తత్త్వే
ధర్మాధారే ధరాలయే || 15 ||
ప్రయచ్ఛ యజమానాయ ధనం
ధర్మైకసాధనం |
మాతస్త్వం మేఽవిలంబేన
దిశస్వ జగదంబికే || 16 ||
కృపయా కరుణాగారే
ప్రార్థితం కురు మే శుభే |
వసుధే వసుధారూపే
వసువాసవవందితే || 17 ||
ధనదే యజమానాయ వరదే వరదా
భవ |
బ్రహ్మణ్యైర్బ్రాహ్మణైః
పూజ్యే పార్వతీ శివశంకరే || 18 ||
స్తోత్రం
దరిద్రతావ్యాధిశమనం సుధనప్రదం |
శ్రీకరే శంకరే శ్రీదే
ప్రసీద మయి కింకరే || 19 ||
పార్వతీశప్రసాదేన
సురేశకింకరేరితం |
శ్రద్ధయా యే పఠిష్యంతి
పాఠయిష్యంతి భక్తితః || 20 ||
సహస్రమయుతం లక్షం ధనలాభో
భవేద్ధ్రువం |
ధనదాయ నమస్తుభ్యం
నిధిపద్మాధిపాయ చ |
భవంతు త్వత్ప్రసాదాన్మే
ధనధాన్యాదిసంపదః || 21 ||
|| ఇతి
శ్రీ ధనలక్ష్మీ స్తోత్రం సంపూర్ణం ||