Lakshmi Narayana Ashtakam – శ్రీ
లక్ష్మీనారాయణాష్టకం
ఆర్తానాం దుఃఖశమనే
దీక్షితం ప్రభుమవ్యయం |
అశేషజగదాధారం
లక్ష్మీనారాయణం భజే || 1 ||
అపారకరుణాంభోధిం
ఆపద్బాంధవమచ్యుతం |
అశేషదుఃఖశాంత్యర్థం
లక్ష్మీనారాయణం భజే || 2 ||
భక్తానాం వత్సలం
భక్తిగమ్యం సర్వగుణాకరం |
అశేషదుఃఖశాంత్యర్థం
లక్ష్మీనారాయణం భజే || 3 ||
సుహృదం సర్వభూతానాం
సర్వలక్షణసంయుతం |
అశేషదుఃఖశాంత్యర్థం
లక్ష్మీనారాయణం భజే || 4 ||
చిదచిత్సర్వజంతూనాం ఆధారం
వరదం పరం |
అశేషదుఃఖశాంత్యర్థం
లక్ష్మీనారాయణం భజే || 5 ||
శంఖచక్రధరం దేవం లోకనాథం
దయానిధిం |
అశేషదుఃఖశాంత్యర్థం
లక్ష్మీనారాయణం భజే || 6 ||
పీతాంబరధరం విష్ణుం
విలసత్సూత్రశోభితం |
అశేషదుఃఖశాంత్యర్థం
లక్ష్మీనారాయణం భజే || 7 ||
హస్తేన దక్షిణేన యజం
అభయప్రదమక్షరం |
అశేషదుఃఖశాంత్యర్థం
లక్ష్మీనారాయణం భజే || 8 ||
యః పఠేత్ ప్రాతరుత్థాయ
లక్ష్మీనారాయణాష్టకం |
విముక్తస్సర్వపాపేభ్యః
విష్ణులోకం స గచ్ఛతి || 9 ||
|| ఇతి
శ్రీ లక్ష్మీనారాయణాష్టకం సంపూర్ణం ||