Panduranga Ashtakam – శ్రీ
పాండురంగాష్టకం
మహాయోగపీఠే తటే భీమరథ్యా
వరం పుండరీకాయ దాతుం
మునీంద్రైః |
సమాగత్య తిష్ఠంతమానందకందం
పరబ్రహ్మలింగం భజే
పాండురంగం || 1 ||
తటిద్వాససం నీలమేఘావభాసం
రమామందిరం సుందరం
చిత్ప్రకాశం |
వరం త్విష్టకాయాం
సమన్యస్తపాదం
పరబ్రహ్మలింగం భజే
పాండురంగం || 2 ||
ప్రమాణం భవాబ్ధేరిదం
మామకానాం
నితంబః కరాభ్యాం ధృతో యేన
తస్మాత్ |
విధాతుర్వసత్యై ధృతో
నాభికోశః
పరబ్రహ్మలింగం భజే
పాండురంగం || 3 ||
స్ఫురత్కౌస్తుభాలంకృతం
కంఠదేశే
శ్రియా జుష్టకేయూరకం
శ్రీనివాసం |
శివం శాంతమీడ్యం వరం
లోకపాలం
పరబ్రహ్మలింగం భజే
పాండురంగం || 4 ||
శరచ్చంద్రబింబాననం
చారుహాసం
లసత్కుండలాక్రాంతగండస్థలాంతం
|
జపారాగబింబాధరం కంజనేత్రం
పరబ్రహ్మలింగం భజే
పాండురంగం || 5 ||
కిరీటోజ్జ్వలత్సర్వదిక్ప్రాంతభాగం
సురైరర్చితం
దివ్యరత్నైరనర్ఘైః |
త్రిభంగాకృతిం
బర్హమాల్యావతంసం
పరబ్రహ్మలింగం భజే
పాండురంగం || 6 ||
విభుం వేణునాదం చరంతం
దురంతం
స్వయం లీలయా గోపవేషం
దధానం |
గవాం బృందకానందదం
చారుహాసం
పరబ్రహ్మలింగం భజే
పాండురంగం || 7 ||
అజం రుక్మిణీప్రాణసంజీవనం
తం
పరం ధామ కైవల్యమేకం
తురీయం |
ప్రసన్నం ప్రపన్నార్తిహం
దేవదేవం
పరబ్రహ్మలింగం భజే
పాండురంగం || 8 ||
స్తవం పాండురంగస్య వై
పుణ్యదం యే
పఠంత్యేకచిత్తేన భక్త్యా
చ నిత్యం |
భవాంభోనిధిం తేఽపి
తీర్త్వాంతకాలే
హరేరాలయం శాశ్వతం
ప్రాప్నువంతి || 9 ||
|| ఇతి
శ్రీ మత్పరమహంస పరివ్రాజకాచార్య శ్రీమచ్ఛంకరభగవత్పాదాచార్య విరచితం శ్రీ
పాండురంగాష్టకం సంపూర్ణం ||