Sri Suktam – శ్రీ సూక్తం
ఓం హిర॑ణ్యవర్ణాం॒
హరి॑ణీం సు॒వర్ణ॑రజ॒తస్ర॑జాం |
చం॒ద్రాం హి॒రణ్మ॑యీం
ల॒క్ష్మీం జాత॑వేదో మ॒ ఆవ॑హ || 1 ||
తాం మ॒ ఆవ॑హ॒ జాత॑వేదో
ల॒క్ష్మీమన॑పగా॒మినీం |
యస్యాం॒ హిర॑ణ్యం
విం॒దేయం॒ గామశ్వం॒ పురు॑షాన॒హం || 2 ||
అ॒శ్వ॒పూ॒ర్వాం
ర॑థమ॒ధ్యాం హ॒స్తినా"దప్ర॒బోధి॑నీం |
శ్రియం॑ దే॒వీముప॑హ్వయే॒
శ్రీర్మా దే॒వీర్జు॑షతాం || 3 ||
కాం॒ సో"స్మి॒తాం
హిర॑ణ్యప్రా॒కారా॑మా॒ర్ద్రాం జ్వలం॑తీం తృ॒ప్తాం త॒ర్పయం॑తీం |
ప॒ద్మే॒ స్థి॒తాం
ప॒ద్మవ॑ర్ణాం॒ తామి॒హోప॑హ్వయే॒ శ్రియం || 4 ||
చం॒ద్రాం ప్ర॑భా॒సాం
య॒శసా॒ జ్వలం॑తీం॒ శ్రియం॑ లో॒కే దే॒వజు॑ష్టాముదా॒రాం |
తాం ప॒ద్మినీ॑మీం॒
శర॑ణమ॒హం ప్రప॑ద్యేఽల॒క్ష్మీర్మే॑ నశ్యతాం॒ త్వాం వృ॑ణే || 5 ||
ఆ॒ది॒త్యవ॑ర్ణే॒
తప॒సోఽధి॑జా॒తో వన॒స్పతి॒స్తవ॑ వృ॒క్షోఽథ బి॒ల్వః |
తస్య॒ ఫలా॑ని॒
తప॒సాను॑దంతు మా॒యాంత॑రా॒యాశ్చ॑ బా॒హ్యా అ॑ల॒క్ష్మీః || 6 ||
ఉపై॑తు॒ మాం దే॑వస॒ఖః
కీ॒ర్తిశ్చ॒ మణి॑నా స॒హ |
ప్రా॒దు॒ర్భూ॒తోఽస్మి॑
రాష్ట్రే॒ఽస్మిన్ కీ॒ర్తిమృ॑ద్ధిం ద॒దాతు॑ మే || 7 ||
క్షుత్పి॑పా॒సామ॑లాం
జ్యే॒ష్ఠామ॑ల॒క్షీం నా॑శయా॒మ్యహం |
అభూ॑తి॒మస॑మృద్ధిం॒ చ
సర్వాం॒ నిర్ణు॑ద మే॒ గృహాత్ || 8 ||
గం॒ధ॒ద్వా॒రాం
దు॑రాధ॒ర్షాం॒ ని॒త్యపు॑ష్టాం కరీ॒షిణీం" |
ఈ॒శ్వరీగ్ం॑
సర్వ॑భూతా॒నాం॒ తామి॒హోప॑హ్వయే॒ శ్రియం || 9 ||
మన॑సః॒ కామ॒మాకూ॑తిం
వా॒చః స॒త్యమ॑శీమహి |
ప॒శూ॒నాం రూ॒పమన్య॑స్య॒
మయి॒ శ్రీః శ్ర॑యతాం॒ యశః॑ || 10 ||
క॒ర్దమే॑న ప్ర॑జాభూ॒తా॒
మ॒యి॒ సంభ॑వ క॒ర్దమ |
శ్రియం॑ వా॒సయ॑ మే కు॒లే
మా॒తరం॑ పద్మ॒మాలి॑నీం || 11 ||
ఆపః॑ సృ॒జంతు॑
స్ని॒గ్దా॒ని॒ చి॒క్లీ॒త వ॑స మే॒ గృహే |
ని చ॑ దే॒వీం మా॒తరం॒
శ్రియం॑ వా॒సయ॑ మే కు॒లే || 12 ||
ఆ॒ర్ద్రాం పు॒ష్కరి॑ణీం
పు॒ష్టిం॒ పిం॒గ॒లాం ప॑ద్మమా॒లినీం |
చం॒ద్రాం హి॒రణ్మ॑యీం
ల॒క్ష్మీం జాత॑వేదో మ॒ ఆవ॑హ || 13 ||
ఆ॒ర్ద్రాం యః॒ కరి॑ణీం
య॒ష్టిం॒ సు॒వ॒ర్ణాం హే॑మమా॒లినీం |
సూ॒ర్యాం హి॒రణ్మ॑యీం
ల॒క్ష్మీం॒ జాత॑వేదో మ॒ ఆవ॑హ || 14 ||
తాం మ॒ ఆవ॑హ॒ జాత॑వేదో
ల॒క్షీమన॑పగా॒మినీం" |
యస్యాం॒ హిర॑ణ్యం॒
ప్రభూ॑తం॒ గావో॑ దా॒స్యోఽశ్వా"న్వి దేయం॒ పురు॑షాన॒హం || 15 ||
యః శుచిః॑ ప్రయతో
భూ॒త్వా॒ జు॒హుయా॑దాజ్య॒ మన్వ॑ హం |
శ్రియః॑ పం॒చద॑శర్చం చ
శ్రీ॒కామః సత॒తం॒ జ॑పేత్ ||
ఆనందః కర్ద॑మశ్చై॒వ
చిక్లీ॒త ఇ॑తి వి॒శ్రుతాః |
ఋష॑యః తేత్ర॑యః పుత్రాః
స్వ॒యం॒ శ్రీదేవి దే॒వతా ||
పద్మాననే ప॑ద్మ ఊ॒రూ॒
ప॒ద్మాక్షీ ప॑ద్మసం॒భవే |
త్వం మాం" భ॒జస్వ॑
పద్మా॒క్షీ యే॒న సౌఖ్యం॑ లభా॒మ్యహం ||
అ॒శ్వదా॑యీ చ గోదా॒యీ॒
ధ॒నదా॑యీ మ॒హాధ॑నే |
ధనం॑ మే॒ జుష॑తాం దే॒వీ
స॒ర్వకా॑మార్థ॒ సిద్ధ॑యే ||
పుత్రపౌత్ర ధనం ధాన్యం
హస్త్యశ్వాదిగవే రథం |
ప్రజానాం భవసి మాతా
ఆయుష్మంతం కరోతు మామ్ ||
చంద్రాభాం లఀక్ష్మీమీశానాం
సూర్యాభా"మ్ శ్రియమీశ్వరీమ్ |
చంద్ర సూర్యాగ్ని
సర్వాభాం శ్రీ మహాలక్ష్మీ ముపాస్మహే ||
ధనమగ్నిర్ధనం వాఀయుర్ధనం సూర్యో॑ ధనం వఀసుః |
ధనమింద్రో
బృహస్పతిర్వరు॑ణం ధనమ॑శ్నుతే ||
వైనతేయ సోమం పిబ సోమం॑
పిబతు వృత్రహా |
సోమం॒ ధనస్య సోమినో॒ మహ్యం॑
దదాతు సోమినః' ||
న క్రోధో న చ మాత్స॒ర్యం
న లోభో॑ నాశుభా మతిః |
భవంతి కృత పుణ్యానాం
భ॒క్తానాం శ్రీ సూ"క్తం జపేత్సదా ||
వర్షం"తు॒ తే
వి॑భావ॒రి॒ ది॒వో అభ్రస్య విద్యు॑తః |
రోహం"తు
సర్వ॑బీజాన్యవ బ్రహ్మ ద్వి॒షో" జ॑హి ||
పద్మప్రియే పద్మిని
పద్మహస్తే పద్మాలయే పద్మదళాయతాక్షీ |
విశ్వప్రియే విష్ణు
మనోనుకూలే త్వత్పాదపద్మం మయి సన్నిధత్స్వ
యా సా పద్మాసనస్థా
విపులకటితటీ పద్మపత్రాయతాక్షీ |
గంభీరా వర్తనాభిః
స్తనభరనమితా శుభ్ర వస్తోత్తరీయా |
లక్ష్మీర్దివ్యైర్గజేంద్రైర్మణిగణ
ఖచితై-స్స్నాపితా హేమకుంభైః |
నిత్యం సా పద్మహస్తా మమ
వసతు గృహే సర్వ మాంగళ్యయుక్తా ||
లక్ష్మీం క్షీరసముద్ర
రాజతనయాం శ్రీరంగ ధామేశ్వరీమ్ |
దాసీభూత సమస్త దేవ వనితాం
లోఀకైక దీపాంకురాం |
శ్రీమన్మంద కటాక్షలబ్ధ
విభవ బ్రహ్మేంద్ర గంగాధరాం |
త్వాం త్రైలోక్య
కుటుంబినీం సరసిజాం వందే ముకుందప్రియాం ||
సిద్ధలక్ష్మీర్మోక్షలక్ష్మీర్జయలక్ష్మీస్సరస్వతీ
|
శ్రీలక్ష్మీర్వరలక్ష్మీశ్చ
ప్రసన్నా మమ సర్వదా ||
వరాంకుశౌ పాశమభీతి
ముద్రామ్ |
కరైర్వహంతీం కమలాసనస్థామ్
|
బాలార్కకోటి ప్రతిభాం
త్రినేత్రామ్ |
భజేఽహమంబాం జగదీశ్వరీం
తామ్ ||
సర్వమంగళ మాంగళ్యే శివే
సర్వార్థ సాధికే |
శరణ్యే త్య్రంబకే దేవీ
నారాయణి నమోస్తుతే ||
ఓం మ॒హా॒దే॒వ్యై చ॑
వి॒ద్మహే॑ విష్ణుప॒త్నీ చ॑ ధీమహి |
తన్నో॑ లక్ష్మీః
ప్రచో॒దయాత్ ||
శ్రీర్వర్చ॑స్వ॒మాయు॑ష్య॒మారోగ్య॒
మావీ॑ధా॒త్ శోభ॑మానం మహీ॒యతే |
ధా॒న్యం ధ॒నం ప॒శుం
బ॒హుపు॑త్రలా॒భం శ॒తసం"వఀత్స॒రం దీ॒ర్ఘమాయుః॑
||
|| ఓం
శాంతిః॒ శాంతిః॒ శాంతిః॑ ||