Maha Lakshmi Stotram (Mahendra Krutham) – శ్రీ మహాలక్ష్మీ స్తోత్రం (మహేంద్ర కృతం)
మహేంద్ర ఉవాచ -
నమః కమలవాసిన్యై
నారాయణ్యై నమో నమః |
కృష్ణప్రియాయై సారాయై
పద్మాయై చ నమో నమః || 1 ||
పద్మపత్రేక్షణాయై చ
పద్మాస్యాయై నమో నమః |
పద్మాసనాయై పద్మిన్యై
వైష్ణవ్యై చ నమో నమః || 2 ||
సర్వసంపత్ స్వరూపాయై
సర్వదాత్ర్యై నమో నమః |
సుఖదాయై మోక్షదాయై
సిద్ధిదాయై నమో నమః || 3 ||
హరిభక్తిప్రదాత్ర్యై చ
హర్షదాత్ర్యై నమో నమః |
కృష్ణవక్షఃస్థితాయై చ
కృష్ణేశాయై నమో నమః || 4 ||
కృష్ణశోభాస్వరూపాయై రత్నాఢ్యాయై
నమో నమః |
సంపత్యధిష్ఠాతృదేవ్యై
మహాదేవ్యై నమో నమః || 5 ||
సస్యాధిష్ఠాతృదేవ్యై చ
సస్యలక్ష్మై నమో నమః |
నమో బుద్ధిస్వరూపాయై
బుద్ధిదాయై నమో నమః || 6 ||
వైకుంఠే చ
మహాలక్ష్మీర్లక్ష్మీః క్షీరోదసాగరే |
స్వర్గలక్ష్మీరింద్రగేహే
రాజలక్ష్మీర్నృపాలయే || 7 ||
గృహలక్ష్మీశ్చ గృహిణాం
గేహే చ గృహదేవతా |
సురభిః సా గవాం మాతా
దక్షిణా యజ్ఞకామినీ || 8 ||
అదితిర్దేవమాతా త్వం కమలా
కమలాలయే |
స్వాహా త్వం చ హవిర్దానే
కవ్యదానే స్వధా స్మృతా || 9 ||
త్వం హి విష్ణుస్వరూపా చ
సర్వాధారా వసుంధరా |
శుద్ధసత్త్వస్వరూపా త్వం
నారాయణపరాయాణా || 10 ||
క్రోధహింసావర్జితా చ వరదా
చ శుభాననా |
పరమార్థప్రదా త్వం చ
హరిదాస్యప్రదా పరా || 11 ||
యయా వినా జగత్సర్వం
భస్మీభూతమసారకం |
జీవన్మృతం చ విశ్వం చ
శవతుల్యం యయా వినా || 12 ||
సర్వేషాం చ పరా త్వం హి
సర్వబాంధవరూపిణీ |
యయా వినా న సంభాష్యో
బాంధవైర్బాంధవః సదా || 13 ||
త్వయా హీనో
బంధుహీనస్త్వయా యుక్తః సబాంధవః |
ధర్మార్థకామమోక్షాణాం
త్వం చ కారణరూపిణీ || 14 ||
స్తనంధయానాం త్వం మాతా
శిశూనాం శైశవే యథా |
తథా త్వం సర్వదా మాతా
సర్వేషాం సర్వవిశ్వతః || 15 ||
త్యక్తస్తనో మాతృహీనః స
చేజ్జీవతి దైవతః |
త్వయా హీనో జనః కోఽపి న
జీవత్యేవ నిశ్చితం || 16 ||
సుప్రసన్నస్వరూపా త్వం మే
ప్రసన్నా భవాంబికే |
వైరిగ్రస్తం చ విషయం దేహి
మహ్యం సనాతని || 17 ||
వయం యావత్త్వయా హీనా
బంధుహీనాశ్చ భిక్షుకాః |
సర్వసంపద్విహీనాశ్చ
తావదేవ హరిప్రియే || 18 ||
రాజ్యం దేహి శ్రియం దేహి
బలం దేహి సురేశ్వరి |
కీర్తిం దేహి ధనం దేహి
పుత్రాన్మహ్యం చ దేహి వై || 19 ||
కామం దేహి మతిం దేహి
భోగాన్ దేహి హరిప్రియే |
జ్ఞానం దేహి చ ధర్మం చ
సర్వసౌభాగ్యమీప్సితం || 20 ||
సర్వాధికారమేవం వై
ప్రభావాం చ ప్రతాపకం |
జయం పరాక్రమం యుద్ధే
పరమైశ్వర్యమైవ చ || 21 ||
ఇత్యుక్త్వా తు
మహేంద్రశ్చ సర్వైః సురగణైః సహ |
ననామ సాశ్రునేత్రోఽయం
మూర్ధ్నా చైవ పునః పునః || 22 ||
బ్రహ్మా చ శంకరశ్చైవ శేషో
ధర్మశ్చ కేశవః |
సర్వే చక్రుః పరీహారం
సురార్థే చ పునః పునః || 23 ||
దేవేభ్యశ్చ వరం దత్త్వా
పుష్పమాలాం మనోహరాం |
కేశవాయ దదౌ లక్ష్మీః
సంతుష్టా సురసంసది || 24 ||
యయుర్దైవాశ్చ సంతుష్టాః
స్వం స్వం స్థానం చ నారద |
దేవీ యయౌ హరేః క్రోడం హృష్టా క్షీరోదశాయినః || 25 ||
యయతుస్తౌ స్వస్వగృహం
బ్రహ్మేశానౌ చ నారద |
దత్త్వా శుభాశిషం తౌ చ
దేవేభ్యః ప్రీతిపూర్వకం || 26 ||
ఇదం స్తోత్రం మహాపుణ్యం
త్రిసంధ్యం యః పఠేన్నరః |
కుబేరతుల్యః స
భవేద్రాజరాజేశ్వరో మహాన్ || 27 ||
సిద్ధస్తోత్రం యది పఠేత్
సోఽపి కల్పతరుర్నరః |
పంచలక్షజపేనైవ
స్తోత్రసిద్ధిర్భవేన్నృణాం || 28 ||
సిద్ధస్తోత్రం యది
పఠేన్మాసమేకం చ సంయతః |
మహాసుఖీ చ రాజేంద్రో
భవిష్యతి న సంశయః || 29 ||
|| ఇతి
శ్రీబ్రహ్మవైవర్తే మహాపురాణే ద్వితీయే ప్రకృతిఖండే నారదనారాయణ సంవాదే
ఏకోనచత్వారింశత్తమోఽధ్యాయే మహేంద్ర కృత శ్రీ మహాలక్ష్మీ స్తోత్రం సంపూర్ణం ||