Akilandeshwari Stotram – అఖిలాండేశ్వరీ
స్తోత్రం
ఓంకారార్ణవమధ్యగే
త్రిపథగే ఓంకారబీజాత్మికే
ఓంకారేణ
సుఖప్రదే శుభకరే ఓంకారబిందుప్రియే |
ఓంకారే
జగదంబికే శశికలే ఓంకారపీఠస్థితే
దాసోఽహం
తవ పాదపద్మయుగళం వందే అఖిలాండేశ్వరి || 1 ||
హ్రీంకారార్ణవవర్ణమధ్యనిలయే
హ్రీంకారవర్ణాత్మికే |
హ్రీంకారాబ్ధిసుచారుచాంద్రకధరే
హ్రీంకారనాదప్రియే |
హ్రీంకారే
త్రిపురేశ్వరీ సుచరితే హ్రీంకారపీఠస్థితే
దాసోఽహం
తవ పాదపద్మయుగళం వందే అఖిలాండేశ్వరి || 2||
శ్రీచక్రాంకితభూషణోజ్జ్వలముఖే
శ్రీరాజరాజేశ్వరి
శ్రీకంఠార్ధశరీరభాగనిలయే
శ్రీజంబునాథప్రియే |
శ్రీకాంతస్య
సహోదరే సుమనసే శ్రీబిందుపీఠప్రియే
దాసోఽహం
తవ పాదపద్మయుగళం వందే అఖిలాండేశ్వరి || 3 ||
కస్తూరీతిలకోజ్జ్వలే
కలిహరే క్లీంకారబీజాత్మికే
కళ్యాణీ
జగదీశ్వరీ భగవతీ కాదంబవాసప్రియే |
కామాక్షీ
సకలేశ్వరీ శుభకరే క్లీంకారపీఠస్థితే
దాసోఽహం
తవ పాదపద్మయుగళం వందే అఖిలాండేశ్వరి || 4 ||
నాదే
నారదతుంబురాదివినుతే నారాయణీ మంగళే
నానాలంకృతహారనూపురధరే
నాసామణీభాసురే |
నానాభక్తసుపూజ్యపాదకమలే
నాగారిమధ్యస్థలే
దాసోఽహం
తవ పాదపద్మయుగళం వందే అఖిలాండేశ్వరి || 5 ||
శ్యామాంగీ
శరదిందుకోటివదనే సిద్ధాంతమార్గప్రియే
శాంతే
శారదవిగ్రహే శుభకరే శాస్త్రాదిషడ్దర్శనే |
శర్వాణీ
పరమాత్మికే పరశివే ప్రత్యక్షసిద్ధిప్రదే
దాసోఽహం
తవ పాదపద్మయుగళం వందే అఖిలాండేశ్వరి || 6 ||
మాంగళ్యే
మధురప్రియే మధుమతీ మాంగళ్యసూత్రోజ్జ్వలే
మాహాత్మ్యశ్రవణే
సుతే సుతమయీ మాహేశ్వరీ చిన్మయి |
మాంధాతృప్రముఖాదిపూజితపదే
మంత్రార్థసిద్ధిప్రదే
దాసోఽహం
తవ పాదపద్మయుగళం వందే అఖిలాండేశ్వరి || 7 ||
తత్త్వే
తత్త్వమయీ పరాత్పరమయి జ్యోతిర్మయీ చిన్మయి
నాదే
నాదమయీ సదాశివమయీ తత్త్వార్థసారాత్మికే |
శబ్దబ్రహ్మమయీ
చరాచరమయీ వేదాంతరూపాత్మికే
దాసోఽహం
తవ పాదపద్మయుగళం వందే అఖిలాండేశ్వరి || 8 ||
కదంబవృక్షమూలే
త్వం వాసిని శుభధారిణి |
ధరాధరసుతే
దేవి మంగళం కురు శంకరి || 9 ||
ధ్యాత్వా
త్వాం దేవి దశకం యే పఠంతి భృగోర్దినే |
తేషాం చ
ధనమాయుష్యమారోగ్యం పుత్రసంపదః || 10 ||
|| ఇతి
శ్రీ అఖిలాండేశ్వరీ స్తోత్రం సంపూర్ణం ||