Angaraka Kavacham – అంగారక కవచం
అస్య శ్రీ అంగారక కవచ స్తోత్ర మహా మంత్రస్య విరూపాక్ష
ఋషిః అనుష్టుప్ ఛంధః అంగారకో దేవతా అం
బీజం | గం శక్తిః | రం
కీలకం | మమ అంగారక గ్రహ ప్రసాద సిద్ధ్యర్థే జపే వినియోగః ||
కరన్యాసః
ఆం అంగుష్ఠాభ్యాం నమః |
ఈం తర్జనీభ్యాం నమః |
ఊం మధ్యమాభ్యాం నమః |
ఐం అనామికాభ్యాం నమః |
ఔం కనిష్ఠికాభ్యాం నమః |
అః కరతలకరపృష్ఠాభ్యాం నమః ||
అంగన్యాసః
ఆం హృదయాయ నమః |
ఈం శిరసే స్వాహా |
ఊం శిఖాయై వషట్ |
ఐం కవచాయ హుం |
ఔం నేత్రత్రయాయ వౌషట్ |
అః అస్త్రాయ ఫట్ |
భూర్భువస్సువరోమితి దిగ్బంధః ||
ధ్యానం -
నమామ్యంగారకం దేవం రక్తాంగం వరభూషణం |
జానుస్థం వామహస్తాభ్యాం చాపేషువరపాణినమ్ |
చతుర్భుజం మేషవాహం వరదం వసుధాప్రియం |
శక్తిశూలగదాఖడ్గం జ్వాలపుంజోర్ధ్వకేశకమ్ ||
మేరుం ప్రదక్షిణం కృత్వా సర్వదేవాత్మసిద్ధిదమ్ |
అథ కవచం -
అంగారకః శిరో రక్షేత్ ముఖం వై ధరణీసుతః |
కర్ణౌ రక్తాంబరః పాతు నేత్రే మే రక్తలోచనః || 1 ||
నాసికాం మే శక్తిధరః కంఠం మే పాతు భౌమకః |
భుజౌ తు రక్తమాలీ చ హస్తౌ శూలధరస్తథా || 2 ||
చతుర్భుజో మే హృదయం కుక్షిం రోగాపహారకః |
కటిం మే భూమిజః పాతు ఊరూ పాతు గదాధరః || 3 ||
జానుజంఘే కుజః పాతు పాదౌ భౌమః సదా మమ |
సర్వాణి యాని చాంగాని రక్షేన్మే మేషవాహనః || 4 ||
య ఇదం కవచం దివ్యం సర్వశత్రువినాశనం |
భూతప్రేతపిశాచానాం నాశనం సర్వసిద్ధిదమ్ || 5 ||
సర్వరోగహరం చైవ సర్వసంపత్ప్రదం శుభం |
భుక్తిముక్తిప్రదం నౄణాం సర్వసౌభాగ్యవర్ధనమ్ || 6 ||
ఋణబంధనముక్తిర్వై సత్యమేవ న సంశయః |
స్తోత్రపాఠస్తు కర్తవ్యో దేవస్యాగ్రే సమాహితః || 7 ||
రక్తగంధాక్షతైః పుష్పైర్ధూపదీపగుడోదనైః |
మంగళం పూజయిత్వా తు మంగళేఽహని సర్వదా || 8 ||
బ్రాహ్మణాన్భోజయేత్పశ్చాచ్చతురో ద్వాదశాథవా |
అనేన విధినా యస్తు కృత్వా వ్రతమనుత్తమమ్ || 9 ||
వ్రతం తదేవం కుర్వీత సప్తవారేషు వా యది |
తేషాం శస్త్రాణ్యుత్పలాని వహ్ని స్స్యాచ్చంద్రశీతలః || 10 ||
న చైనం వ్యథయంత్యస్మాన్మృగపక్షిగజాదయః |
మహాంధతమసే ప్రాప్రే మార్తాండస్యోదయాదివ || 11 ||
విలయం యాంతి పాపాని శతజన్మార్జితాని వై || 12 ||
|| ఇతి శ్రీ అంగారక కవచం సంపూర్ణం ||