Brihaspati Kavacham – బృహస్పతి
కవచం
అస్య శ్రీ బృహస్పతి కవచ
స్తోత్ర మంత్రస్య ఈశ్వర ఋషిః అనుష్టుప్ ఛంధః బృహస్పతి దేవతా అం బీజం శ్రీం శక్తిః
క్లీం కీలకం మమ బృహస్పతి ప్రసాద సిద్ధ్యర్థే జపే వినియోగః ||
కరన్యాసః ||
గాం అఙ్గుష్ఠాభ్యాం నమః |
గీం తర్జనీభ్యాం నమః |
గూం మధ్యమాభ్యాం నమః |
గైం అనామికాభ్యాం నమః |
గౌం కనిష్ఠికాభ్యాం నమః |
గః కరతలకరపృష్ఠాభ్యాం నమః
||
అంగన్యాసః ||
గాం హృదయాయ నమః |
గీం శిరసే స్వాహా |
గూం శిఖాయై వషట్ |
గైం కవచాయ హుమ్ |
గౌం నేత్రత్రయాయ వౌషట్ |
గః అస్త్రాయ ఫట్ |
భూర్భువస్సువరోమితి
దిగ్బంధః ||
ధ్యానం -
తప్తకాఞ్చనవర్ణాభం
చతుర్భుజసమన్వితమ్
దణ్డాక్షసూత్రమాలాం చ
కమండలువరాన్వితమ్ |
పీతాంబరధరం దేవం
పీతగంధానులేపనం
పుష్పరాగమయం భూష్ణుం
విచిత్రమకుటోజ్జ్వలమ్ ||
స్వర్ణాశ్వరథమారూఢం
పీతధ్వజసుశోభితం |
మేరుం ప్రదక్షిణం కృత్వా
గురుదేవం సమర్చయేత్ ||
అభీష్టవరదం దేవం సర్వజ్ఞం
సురపూజితం |
సర్వకార్యార్థ
సిద్ధ్యర్థం ప్రణమామి గురుం సదా ||
కవచం -
బృహస్పతిః శిరః పాతు
లలాటం పాతు మే గురుః |
కర్ణౌ సురగురుః పాతు
నేత్రే మేఽభీష్టదాయకః || 1 ||
నాసాం పాతు సురాచార్యో
జిహ్వాం మే వేదపారగః |
ముఖం మే పాతు సర్వజ్ఞో
భుజౌ పాతు శుభప్రదః || 2 ||
కరౌ వజ్రధరః పాతు వక్షౌ
మే పాతు గీష్పతిః |
స్తనౌ మే పాతు వాగీశః
కుక్షిం మే శుభలక్షణః || 3 ||
నాభిం పాతు సునీతిజ్ఞః
కటిం మే పాతు సర్వదః |
ఊరూ మే పాతు పుణ్యాత్మా
జఙ్ఘే మే జ్ఞానదః ప్రభుః || 4 ||
పాదౌ మే పాతు విశ్వాత్మా
సర్వాఙ్గం సర్వదా గురుః |
య ఇదం కవచం దివ్యం
త్రిసన్ధ్యాసు పఠేన్నరః || 5 ||
సర్వాన్కామానవాప్నోతి
సర్వత్ర విజయీ భవేత్ |
సర్వత్ర పూజ్యో భవతి
వాక్పతిశ్చ ప్రసాదతః || 6 ||
|| ఇతి
బ్రహ్మ వైవర్త పురాణే ఉత్తరఖండే బృహస్పతి కవచం సంపూర్ణం ||