Budha Graha Stotram – శ్రీ బుధ స్తోత్రం
అస్య శ్రీ బుధ స్తోత్ర మహామంత్రస్య వసిష్ఠ ఋషిః, అనుష్టుప్ ఛంధః, బుధో దేవతా, బుధప్రీత్యర్థే
జపే వినియోగః ||
ధ్యానం -
భుజైశ్చతుర్భిర్వరదాభయాసిగదా
వహంతం సుముఖం ప్రశాంతం |
పీతప్రభం చంద్రసుతం సురేఢ్యం
సింహే నిషణ్ణం బుధమాశ్రయామి ||
స్తోత్రం -
పీతాంబరః పీతవపుః పీతధ్వజరథస్థితః |
పీయూషరశ్మితనయః పాతు మాం సర్వదా బుధః || 1
||
సింహవాహం సిద్ధనుతం సౌమ్యం సౌమ్యగుణాన్వితం |
సోమసూనుం సురారాధ్యం సర్వదం సౌమ్యమాశ్రయే || 2
||
బుధం బుద్ధిప్రదాతారం బాణబాణాసనోజ్జ్వలం |
భద్రప్రదం భీతిహరం భక్తపాలనమాశ్రయే || 3
||
ఆత్రేయగోత్రసంజాతమాశ్రితార్తినివారణం |
ఆదితేయకులారాధ్యమాశుసిద్ధిదమాశ్రయే || 4
||
కలానిధితనూజాతం కరుణారసవారిధిం |
కల్యాణదాయినం నిత్యం కన్యారాశ్యధిపం భజే || 5
||
మందస్మితముఖాంభోజం మన్మథాయుతసుందరం |
మిథునాధీశమనఘం మృగాంకతనయం భజే || 6
||
చతుర్భుజం చారురూపం చరాచరజగత్ప్రభుం |
చర్మఖడ్గధరం వందే చంద్రగ్రహతనూభవం || 7
||
పంచాస్యవాహనగతం పంచపాతకనాశనం |
పీతగంధం పీతమాల్యం బుధం బుధనుతం భజే || 8
||
బుధస్తోత్రమిదం గుహ్యం వసిష్ఠేనోదితం పురా |
యః పఠేచ్ఛృణూయాద్వాపి సర్వాభీష్టమవాప్నుయాత్ || 9
||
|| ఇతి శ్రీ బుధ స్తోత్రం సంపూర్ణం ||