Surya Narayana Dandakam – శ్రీ
సూర్య నారాయణ దండకం
శ్రీ సూర్య నారాయణా!
వేదపారయణా! లోకరక్షామణి! దైవచూడామణీ ||
ఆత్మరక్షా నమః పాపశిక్షా
నమోవిశ్వకర్తా నమో విశ్వభర్తా
నమో దేవతా చక్రవర్తీ
పరబ్రహ్మమూర్తీ త్రిలోకైకనాథాధినాథా
మహాభూతభేదంబులున్ నీవయై
బ్రోచు మెల్లపుడున్ భాస్కరాహస్కరా ||
పద్మినీ వల్లభ వల్లకీ
గానలోలా త్రిమూర్తి స్వరూపా విరూపాక్షనేత్రా
మహాదివ్యగాత్రా
అచింత్యావతారా నిరాకార ధీరా పరాకయ్యయోయయ్య
దుర్థాంత నిర్థూత
తాపత్రయాభీల దావాగ్ని రుద్రా తనూద్భూత నిస్సార
గంభీర సంభావితానేక
కామాద్య నీకంబులన్ దాకి ఏకాకినై చిక్కి
ఏదిక్కులుం గానగాలేక
యున్నాడ నీవాడనో తండ్రి ||
జేగీయమానా కటాక్షంబులన్
నన్ కృపాదృష్టి వీక్షించి రక్షించు వేగన్
మునీంద్రాది వంద్యా
జగన్నేత్రమూర్తీ ప్రచండస్వరూపుండవై యుండి చండాంశు
సారథ్యమన్ గొంటి నాకుంటి
నశ్వంబులేడింటి చక్రంబులున్ దాల్చి ద్రోలంగ
మార్తాండరూపుండవై చెండవా
రాక్షసాధీశులన్ గాంచి కర్మానుసారాగ్ర
దోషంబులన్ దృంచి కీర్తి
ప్రతాపంబులన్ మించి నీదాసులన్ గాంచి యిష్టార్ధముల్ కూర్తువో ||
దృష్టి వేల్పా మహా పాప
కర్మాలకున్నాలయంబైన యీ దేహభారంబ భారంబుగానీక
శూరోత్తమా ఒప్పులన్
తప్పులున్ నేరముల్ మాని పాలింపవే సహస్రాంశుండవైనట్టి నీకీర్తి కీర్తింప నేనేర్తునా
ద్వాదశాత్మా దయాళుత్వమున్ తత్వమున్ జూపి నా ఆత్మ
భేదంబులన్ బాపి పోషింప
నీవంతు నిన్నున్ ప్రశంసింప నావంతు
ఆ శేషభాషాధిపుల్
గానగాలేరు నీదివ్య రూప ప్రభావంబు కానంగ నేనెంత
ఎల్లప్పుడున్
స్వల్పజీవుండ నౌదున్ మహా కష్టుడన్ నిష్టయున్ లేదు
నీ పాద పద్మంబులే సాక్షి
దుశ్చింతలన్ బాపి నిశ్చింతుగన్ జేయవే కామితార్ధప్రదా ||
శ్రీ మహాదైవరాయ
పరావస్తులైనట్టి మూడక్షరాలన్
స్వరూపంబు నీ
దండకంబిమ్మహిన్ రాయ కీర్తించి
విన్నన్ మహాజన్మజన్మాంతర వ్యాధి దారిద్ర్యముల్ పోయి
కామ్యార్ధముల్ కొంగు బంగారు తంగేడు జున్నై ఫలించున్
మహా దేవ దేవా నమస్తే! నమస్తే! నమస్తే! నమః ||
ఓం సూర్యదేవాయ నమః
|| శ్రీ
సూర్య నారాయణ దండకం సంపూర్ణం ||