Sri Krishna Ashtottara Shatanama Stotram – శ్రీ
కృష్ణాష్టోత్తర శతనామ స్తోత్రం
శ్రీ గోపాలకృష్ణాయ నమః ||
శ్రీశేష ఉవాచ ||
ఓం అస్య శ్రీకృష్ణాష్టోత్తరశతనామస్తోత్రస్య,
శ్రీ శేష ఋషిః అనుష్టుప్ ఛందః
శ్రీ కృష్ణోదేవతా శ్రీకృష్ణాష్టోత్తరశతనామజపే వినియోగః ||
ఓం శ్రీకృష్ణః కమలానాథో వాసుదేవః
సనాతనః |
వసుదేవాత్మజః పుణ్యో లీలామానుషవిగ్రహః
|| 1 ||
శ్రీవత్సకౌస్తుభధరో యశోదావత్సలో
హరిః |
చతుర్భుజాత్తచక్రాసిగదా శంఖాద్యుదాయుధః
|| 2 ||
దేవకీనందనః శ్రీశో నందగోపప్రియాత్మజః
|
యమునావేగసంహారీ బలభద్రప్రియానుజః
|| 3 ||
పూతనాజీవితహరః శకటాసురభంజనః
|
నందవ్రజజనానందీ సచ్చిదానందవిగ్రహః
|| 4 ||
నవనీతవిలిప్తాంగో నవనీతనటోఽనఘః
|
నవనీతనవాహారో ముచుకుందప్రసాదకః
|| 5 ||
షోడశస్త్రీ సహస్రేశ స్త్రిభంగి
మధురాకృతిః |
శుకవాగమృతాబ్ధీందుర్గోవిందో
యోగినాం పతిః || 6 ||
వత్సవాటచరోఽనంతో ధేనుకాసురభంజనః
|
తృణీకృతతృణావర్తో యమళార్జునభంజనః
|| 7 ||
ఉత్తాలతాలభేత్తా చ తమాలశ్యామలాకృతిః
|
గోపగోపీశ్వరో యోగీ సూర్యకోటిసమప్రభః
|| 8 ||
ఇలాపతిః పరంజ్యోతిర్యాదవేంద్రో
యదూద్వహః |
వనమాలీ పీతవాసాః పారిజాతాపహారకః
|| 9 ||
గోవర్ధనాచలోద్ధర్తా గోపాలః
సర్వపాలకః |
అజో నిరంజనః కామజనకః కంజలోచనః
|| 10 ||
మధుహా మథురానాథో ద్వారకానాయకో
బలీ |
వృందావనాంతసంచారీ తులసీదామభూషణః
|| 11 ||
శ్యమంతకమణేర్హర్తా నరనారాయణాత్మకః
|
కుబ్జాకృష్ణాంబరధరో మాయీ పరమపూరుషః
|| 12 ||
ముష్టికాసురచాణూరమహాయుద్ధవిశారదః
|
సంసారవైరీ కంసారిర్మురారిర్నరకాంతకః
|| 13 ||
అనాదిబ్రహ్మచారీ చ కృష్ణావ్యసనకర్శకః
|
శిశుపాలశిరశ్ఛేత్తా దుర్యోధనకులాంతకః
|| 14 ||
విదురాక్రూరవరదో విశ్వరూపప్రదర్శకః
|
సత్యవాక్ సత్యసంకల్పః సత్యభామారతో
జయీ || 15 ||
సుభద్రాపూర్వజో విష్ణుర్భీష్మముక్తిప్రదాయకః
|
జగద్గురుర్జగన్నాథో వేణునాదవిశారదః
|| 16 ||
వృషభాసురవిధ్వంసీ బాణాసురకరాంతకః
|
యుధిష్ఠిరప్రతిష్ఠాతా బర్హిబర్హావతంసకః
|| 17 ||
పార్థసారథిరవ్యక్తో గీతామృతమహోదధిః
|
కాలీయఫణిమాణిక్యరంజితశ్రీపదాంబుజః
|| 18 ||
దామోదరో యజ్ఞభోక్తా దానవేంద్రవినాశకః
|
నారాయణః పరంబ్రహ్మ పన్నగాశనవాహనః
|| 19 ||
జలక్రీడాసమాసక్త గోపీవస్త్రాపహారకః
|
పుణ్యశ్లోకస్తీర్థపాదో వేదవేద్యో
దయానిధిః || 20 ||
సర్వతీర్థాత్మకః సర్వగ్రహరుపీ
పరాత్పరః |
ఏవం శ్రీకృష్ణదేవస్య నామ్నామష్టోత్తరం
శతం || 21 ||
కృష్ణనామామృతం నామ పరమానందకారకం
|
అత్యుపద్రవదోషఘ్నం పరమాయుష్యవర్ధనం
|| 22 ||
సమస్తకామదం సద్యః కోటిజన్మాఘనాశనం
|
అంతే కృష్ణస్మరణదం భవతాపభయాపహం
|| 23 ||
కృష్ణాయ యాదవేంద్రాయ జ్ఞానముద్రాయ
యోగినే |
నాథాయ రుక్మిణీశాయ నమో వేదాంతవేదినే
|| 24 ||
ఇమం మంత్రం మహాదేవీ జపన్నేవ
దివానిశమ్ |
సర్వగ్రహానుగ్రహభాక్ సర్వప్రియతమో
భవేత్ || 25 ||
పుత్రపౌత్రైః పరివృతః సర్వసిద్ధిసమృద్ధిమాన్
|
నిర్విశ్య భోగానంతేపి కృష్ణసాయుజ్యమాప్నునాత్
|| 26 ||
|| ఇతి శ్రీనారదపంచరాత్రే
జ్ఞానామృతసారే చతుర్థరాత్రే ఉమామహేశ్వర సంవాదే
ధరణీ శేష సంవాదే శ్రీకృష్ణాష్టోత్తర
శతనామస్తోత్రం సంపూర్ణం ||