Sri Ganapati Gita - శ్రీ గణపతి గీతా
క్వ ప్రాసూత కదా త్వాం గౌరీ న ప్రామాణ్యం
తవ జననే |
విప్రాః ప్రాహురజం గణరాజం యః ప్రాచామపి
పూర్వతనః || 1 ||
నాసి గణపతే శంకరాత్మజో భాసి తద్వదేవాఖిలాత్మక
|
ఈశతా తవానీశతా నృణాం కేశవేరితా సాశయోక్తిభిః
|| 2 ||
గజముఖ తావకమంత్ర మహిమ్నా సృజతి జగద్విధిరనుకల్పం
|
భజతి హరిస్తాం తదవనకృత్యే యజతి హరోపి విరామవిధౌ
|| ౩ ||
సుఖయతి శతమఖముఖసురనిక రానఖిలక్రతు విఘ్నఘ్నోయం
|
నిఖిలజగజ్జీవకజీవనదః స ఖలు యతః పర్జన్యాత్మా
|| 4 ||
ప్రారంభే కార్యాణాం హేరంబం యో ధ్యాయేత్
|
పారం యాత్యేవ కృతేరారాదాప్నోతి సుఖం
|| 5 ||
గౌరీసూనోః పాదాంభోజే లీనా చేతోవృత్తిర్మే
|
ఘోరే సంసారారణ్యేవా వాసః కైలాసే వాస్తు
|| 6 ||
గుహగురు పదయుగమనిశమభయదం |
వహసి మనసి యది శమయసి దురితం || 7 ||
జయ జయ శంకరవరసూనో భయహర భజతాం గణరాజ |
నయ మమ చేతస్తవ చరణం నియమమ ధర్మేఽంతః కరణం || 8 ||
చలసిచిత్త కిన్ను విషమ విషయకాననే
కలయ వృత్తిమమృత దాతృకరివరాననే |
తులయ ఖేదమోదయుగళమిదమశాశ్వతం
విలయ భయమలంఘ్యమేవ జన్మని స్మృతం || 9
||
సోమశేఖరసూనవే సిందూరసోదరభానవే
యామినీపతిమౌళయే యమిహృదయవిరచితకేళయే |
మూషకాధిపగామినే ముఖ్యాత్మనోంతర్యామినే
మంగళం విఘ్నద్విషే మత్తేభవక్త్రజ్యోతిషే
|| 10 ||
అవధీరితదాడిమసుమ సౌభగమవతు గణేశజ్యోతి-
ర్మామవతు గణేశజ్యోతిః |
హస్తచతుష్టయధృత వరదాభయ పుస్తకబీజాపూరం
ధృత పుస్తకబీజాపూరం || 11 ||
రజితాచల వప్రక్రీడోత్సుక గజరాజాస్యముదారం,
భజ శ్రీ గజరాజాస్యముదారం |
ఫణిపరికృత కటివలయాభరణం కృణు రే జనహృది
కారణం,
తవ కృణు రే జనహృదికారణం || 12 ||
యః ప్రగే గణరాజమనుదిన-మప్రమేయమనుస్మరేత్
|
స ప్రయాతి పవిత్రితాంగో విప్రగంగాద్యధికతామ్
|| 13 ||
సుబ్రహ్మణ్యమనీషి విరచితా త్వబ్రహ్మణ్యమపాకురుతే
|
గణపతిగీతా గానసముచితా సమ్యక్పఠతాం సిద్ధాంతః
|| 14 ||
|| ఇతి శ్రీ సుబ్రహ్మణ్యయోగి విరచిత శ్రీ గణపతి గీతా సంపూర్ణం ||