|| శ్రీ కుమారీ స్తోత్రం ||
జగత్పూజ్యే జగద్వంద్యే సర్వశక్తిస్వరూపిణి
|
పూజాం గృహాణ కౌమారి జగన్మాతర్నమోఽస్తు
తే || 1 ||
త్రిపురాం త్రిగుణాధారాం త్రివర్గజ్ఞానరూపిణీం
|
త్రైలోక్యవందితాం దేవీం త్రిమూర్తిం పూజయామ్యహం
|| 2 ||
కలాత్మికాం కలాతీతాం కారుణ్యహృదయాం శివాం
|
కళ్యాణజననీం దేవీం కళ్యాణీం పూజయామ్యహం
|| 3 ||
అణిమాదిగుణాధరామకారాద్యక్షరాత్మికాం |
అనంతశక్తికాం లక్ష్మీం రోహిణీం పూజయామ్యహం
|| 4 ||
కామచారీం శుభాం కాంతాం కాలచక్రస్వరూపిణీం
|
కామదాం కరుణోదారాం కాలికాం పూజయామ్యహం
|| 5 ||
చండవీరాం చండమాయాం చండముండప్రభంజినీం
|
పూజయామి సదా దేవీం చండికాం చండవిక్రమాం
|| 6 ||
సదానందకరీం శాంతాం సర్వదేవనమస్కృతాం |
సర్వభూతాత్మికాం లక్ష్మీం శాంభవీం పూజయామ్యహం
|| 7 ||
దుర్గమే దుస్తరే కార్యే భవదుఃఖవినాశినీం
|
పూజయామి సదా భక్త్యా దుర్గాం దుర్గార్తినాశినీం
|| 8 ||
సుందరీం స్వర్ణవర్ణాభాం సుఖసౌభాగ్యదాయినీం
|
సుభద్రజననీం దేవీం సుభద్రాం పూజయామ్యహం
|| 9 ||
|| ఇతి శ్రీ కుమారీ స్తోత్రం ||