Lalitha Harathi - లలిత హారతి
శ్రీ
చక్రపురమందు స్థిరమైన శ్రీ లలిత పసిడి పాదాలకిదె నీరాజనం|
పరమేశ్వరుని
పుణ్యభాగ్యాల రాశి ఆ సింహ మధ్యకు రత్న నీరాజనం ||1||
బంగారు తల్లికిదే నీరాజనం
బంగారు
హారాలు సింగార మొలకించు అంబికా హృదయకూ నీరాజనం|
శ్రీ గౌరి
శ్రీ మాత శ్రీ మహారాజ్ఞి శ్రీ సింహసనేశ్వరికి నీరాజనం ||2||
బంగారు తల్లికిదే నీరాజనం
కల్పతరువై మమ్ము కాపాడు కరములకు, కనకంబు
కాసులతో నీరాజనం|
పాశంకుశా
పుష్ప బాణ చాపధరికి , పరమ పావనమైన నీరాజనం ||3||
బంగారు తల్లికిదే నీరాజనం
కాంతి
కిరణాలతో కలికి మెడలో మెరిసే కల్యాణ సూత్రమునకు నీరాజనం|
కలువ
రేకులవంటి కన్నులా తల్లి శ్రీ రాజ రాజేశ్వరికి నీరాజనం ||4||
బంగారు తల్లికిదే నీరాజనం
చిరునవ్వులోలికించు
శ్రీదేవి అధరాన శతకోటి నక్షత్ర నీరాజనం|
కలువ
రేకులవంటి కన్నులా తల్లి శ్రీ రాజరాజేశ్వరికి
నీరాజనం ||5||
బంగారు తల్లికిదే నీరాజనం
ముదమార
మోమున ముచ్చటగా ధరియించు కస్తూరి కుంకుమకు నీరాజనం|
చంద్రవంకను
శిరోమకుటముగా దాల్చు సౌందర్య లహరికిదే
నీరాజనం ||6||
బంగారు తల్లికిదే నీరాజనం
శుక్రవారమునాడు
శుభములొసగే తల్లి శ్రీ మహలక్ష్మికిదే నీరాజనం|
శృంగేరి పీటమున సుందరాకారిణి శారదా మాయికిదే నీరాజనం ||7||
బంగారు తల్లికిదే నీరాజనం
ముగ్గురమ్మలకు
మూలమగు పెద్దమ్మ ముత్యాలతో నిత్య నీరాజనం|
జన్మ
జన్మల తల్లి జగదీశ్వరీ నీకు భక్తి జనులిచ్చేటి నీరాజనం ||8||
బంగారు తల్లికిదే నీరాజనం
సకల
హృదయాలలో బుద్ధి ప్రేరణ చేయు తల్లి గాయత్రికిదే నీరాజనం|
ఆత్మార్పణతో
నిత్యనీరాజనం బంగారు తల్లికిదే నీరాజనం ||9||
బంగారు తల్లికిదే నీరాజనం