Runa Vimochana Ganesha Stotram - ఋణ విమోచన గణేశ స్తోత్రం
అస్య శ్రీ
ఋణహర్తృ గణపతి స్తోత్ర మంత్రస్య సదాశివ ఋషిః అనుష్టుప్ ఛందః శ్రీ ఋణహర్తృ గణపతి
దేవతా గౌం బీజం గం శక్తిః గోం కీలకం సకల ఋణ నాశనే వినియోగః |
శ్రీ గణేశ | ఋణం ఛింది | వరేణ్యం | హుం | నమః | ఫట్ | ఇతి కర హృదయాది న్యాసః |
ధ్యానం:-
సిందూర వర్ణం ద్విభుజం గణేశం లంబోదరం
పద్మదళే నివిష్టం
బ్రహ్మాది దేవైః పరిసేవ్యమానం సిద్ధైర్యుతం
తం ప్రణమామి దేవం ||
స్తోత్రం:-
సృష్ట్యాదౌ బ్రహ్మణా సమ్యక్ పూజితః
ఫలసిద్ధయే|
సదైవ పార్వతీ పుత్రః ఋణనాశం కరోతుమే ||1||
త్రిపురస్య వధాత్పూర్వం శంభునా సమ్యగర్చితః|
సదైవ పార్వతీ పుత్రః ఋణనాశం కరోతుమే ||2||
హిరణ్య కశ్యపాదీనాం వధార్థే విష్ణునార్చితః|
సదైవ పార్వతీ పుత్రః ఋణనాశం కరోతుమే ||3||
మహిషస్య వధే దేవ్యా గణనాథః ప్రపూజితః|
సదైవ పార్వతీ పుత్రః ఋణనాశం కరోతుమే ||4||
తారకస్య వధాత్పూర్వం కుమారేణ ప్రపూజితః|
సదైవ పార్వతీ పుత్రః ఋణనాశం కరోతుమే ||5||
భాస్కరేణ గణేశో హి పూజితశ్చ విశుద్ధయే|
సదైవ పార్వతీ పుత్రః ఋణనాశం కరోతుమే ||6||
శశినా కాంతి వృద్ధ్యర్థం పూజితో గణనాయకః|
సదైవ పార్వతీ పుత్రః ఋణనాశం కరోతుమే ||7||
పాలనాయ చ తపసాం విశ్వామిత్రేణ పూజితః|
సదైవ పార్వతీ పుత్రః ఋణనాశం కరోతుమే ||8||
ఇదం ఋణహరం స్తోత్రం తీవ్ర దారిద్య్ర నాశనం|
ఏకవారం పఠేన్నిత్యం వర్షమేకం సమాహితః ||9||
దారిద్య్రం దారుణం త్యక్త్వా కుబేర సమతాం
వ్రజేత్|
పఠంతోఽయం మహామంత్రః సార్థ పంచదశాక్షరః ||10||
శ్రీ గణేశం ఋణం ఛింది వరేణ్యం హుం నమః ఫట్|
ఇమం మంత్రం పఠేదంతే తతశ్చ శుచిభావనః ||11||
ఏకవింశతి సంఖ్యాభిః పురశ్చరణమీరితం|
సహస్రవర్తన సమ్యక్ షణ్మాసం ప్రియతాం
వ్రజేత్ ||12||
బృహస్పతి సమో జ్ఞానే ధనే ధన పతిర్భవేత్|
అస్యైవాయుత సంఖ్యాభిః పురశ్చరణ మీరితః ||13||
లక్షమావర్తనాత్ సమ్యగ్వాంఛితం ఫలమాప్నుయాత్|
భూత ప్రేత పిశాచానాం నాశనం స్మృతిమాత్రతః ||14||
|| ఇతి ఋణ విమోచన గణేశ స్తోత్రం సమాప్తం ||