Shiva Panchakshari Stotram - శివ
పంచాక్షరి స్తోత్రం
ఓం నమః శివాయ
నాగేంద్రహారాయ త్రిలోచనాయ
భస్మాంగరాగాయ మహేశ్వరాయ|
నిత్యాయ శుద్ధాయ దిగంబరాయ
తస్మై “న” కారాయ నమః శివాయ ||1||
మందాకినీ సలిల చందన చర్చితాయ
నందీశ్వర ప్రమథనాథ మహేశ్వరాయ|
మందార ముఖ్య బహుపుష్ప సుపూజితాయ
తస్మై “మ” కారాయ నమః శివాయ ||2||
శివాయ గౌరీ వదనాబ్జ బృంద
సూర్యాయ దక్షాధ్వర నాశకాయ|
శ్రీ నీలకంఠాయ వృషధ్వజాయ
తస్మై “శి” కారాయ నమః శివాయ ||3||
వశిష్ఠ కుంభోద్భవ గౌతమార్య
మునీంద్ర దేవార్చిత శేఖరాయ|
చంద్రార్క వైశ్వానర లోచనాయ
తస్మై “వ” కారాయ నమః శివాయ ||4||
యక్ష స్వరూపాయ జటాధరాయ
పినాక హస్తాయ సనాతనాయ|
దివ్యాయ దేవాయ దిగంబరాయ
తస్మై “య” కారాయ నమః శివాయ ||5||
పంచాక్షరమిదం పుణ్యం యః పఠేశ్శివ సన్నిధౌ|
శివలోకమవాప్నోతి శివేన సహ మోదతే ||
|| ఇతి శ్రీ శివ పంచాక్షరి స్తోత్రం సమాప్తం
||