Dwadasha Jyotirlinga Stotram - ద్వాదశ జ్యోతిర్లింగ స్తోత్రం
లఘు స్తోత్రం :-
సౌరాష్ట్రే సోమనాధంచ శ్రీశైలే
మల్లికార్జునం|
ఉజ్జయిన్యాం మహాకాలం ఓంకారేత్వమామలేశ్వరం ||1||
పర్ల్యాం వైద్యనాధంచ ఢాకిన్యాం భీమ శంకరం|
సేతుబంధేతు రామేశం నాగేశం దారుకావనే ||2||
వారణాశ్యాంతు విశ్వేశం త్రయంబకం గౌతమీతటే|
హిమాలయేతు కేదారం ఘృష్ణేశంతు విశాలకే ||3||
ఏతాని జ్యోతిర్లింగాని సాయం ప్రాతః
పఠేన్నరః|
సప్త జన్మ కృతం పాపం స్మరణేన వినశ్యతి ||4||
ద్వాదశ జ్యోతిర్లింగ స్తోత్రములు
సంపూర్ణ స్తోత్రం :-
సౌరాష్ట్రదేశే విశదేఽతిరమ్యే జ్యోతిర్మయం
చంద్ర కళావతంసం|
భక్త ప్రదానాయ కృపావతీర్ణం తం సోమనాథం శరణం
ప్రపద్యే ||1||
శ్రీశైల శృంగే వివిధ ప్రసంగే శేషాద్రి
శృంగేఽపి సదా వసంతం|
తమర్జునం మల్లిక పూర్వమేనం నమామి సంసార
సముద్రసేతుమ్ ||2||
అవంతికాయాం విహితావతారం ముక్తి ప్రదానాయ చ
సజ్జనానామ్|
అకాల మృత్యోః పరిరక్షణార్థం వందే మహాకాల
మహాసురేశమ్ ||3||
కావేరికా నర్మదయోః పవిత్రే సమాగమే
సజ్జనతారణాయ|
సదైవ మాంధాతృపురే వసంతం ఓంకార మీశం
శివమేకమీడే ||4||
పూర్వోత్తరే ప్రజ్వలికానిధానే సదా వసం తం
గిరిజాసమేతమ్|
సురాసురారాధితపాదపద్మం శ్రీవైద్యనాథం తమహం
నమామి ||5||
యామ్యే సదంగే నగరేఽతిరమ్యే విభూషితాంగం
వివిధైశ్చ భోగైః|
సద్భక్తిముక్తిప్రదమీశమేకం శ్రీనాగనాథం
శరణం ప్రపద్యే ||6||
మహాద్రిపార్శ్వే చ తటే రమంతం సంపూజ్యమానం
సతతం మునీంద్రైః|
సురాసురైర్యక్ష మహోరగాఢ్యైః కేదారమీశం
శివమేకమీడే ||7||
సహ్యాద్రిశీర్షే విమలే వసంతం గోదావరి
తీరపవిత్రదేశే|
యద్దర్శనాత్ పాతకం పాశు నాశం ప్రయాతి తం
త్ర్యంబకమీశమీడే ||8||
సుతామ్రపర్ణీజలరాశియోగే నిబధ్య సేతుం
విశిఖైరసంఖ్యైః|
శ్రీరామ చంద్రేణ సమర్పితం తం రామేశ్వరాఖ్యం
నియతం నమామి ||9||
యం డాకిని శాకిని కాసమాజే నిషేవ్యమాణం
పిశితాశనైశ్చ|
సదైవ భీమాదిపద ప్రసిద్ధం తం శంకరం భక్తహితం
నమామి ||10||
సానందమానందవనే వసంతం ఆనందకందం హతపాపబృందమ్|
వారాణసీ నాథమనాథ నాథం శ్రీవిశ్వనాథం శరణం
ప్రపద్యే ||11||
ఇళాపురే రమ్యవిశాలకే స్మిన్ సముల్లసంతం చ
జగద్వరేణ్యమ్|
వందే మహోదారతరస్వభావం ఘృష్ణేశ్వరాఖ్యం శరణం
ప్రపద్యే ||12||
జ్యోతిర్మయద్వాదశలింగకానాం శివాత్మనాం
ప్రోక్తమిదం క్రమేణ|
స్తోత్రం పఠిత్వా మనుజోఽతిభక్త్యా ఫలం
తదాలోక్య నిజం భజేచ్చ ||13||
|| ఇతి ద్వాదశ జ్యోతిర్లింగ స్తోత్రం సమాప్తం
||