Sri Mahishasura Mardini Stotram శ్రీ మహిషాసుర మర్దినీ స్తోత్రం
అయి గిరినందిని నందితమేదిని విశ్వ వినోదిని
నందనుతే
గిరివరవింధ్య శిరోధినివాసిని విష్ణు
విలాసిని జిష్ణునుతే|
భగవతి హే శితికంఠ కుటుంబిణి భూరికుటుంబిణి
భూరికృతే
జయ జయ హే మహిషాసుర మర్దిని రమ్యకపర్దిని
శైలసుతే ||1||
సురవరవర్షిణి దుర్ధరధర్షిణి దుర్ముఖ
మర్షిణి హర్షరతే
త్రిభువనపోషిణి శంకరతోషిణి కల్మషమోషిణి
ఘోషరతే|
దనుజనిరోషిణి దితిసుతరోషిణి దుర్మదశోషిణి
సింధుసుతే
జయ జయ హే మహిషాసుర మర్దిని రమ్యకపర్దిని
శైలసుతే ||2||
అయి జగదంబ మదంబ కదంబవనప్రియవాసిని హాసరతే
శిఖరిశిరోమణి తుంగహిమాలయ శృంగనిజాలయ
మధ్యగతే|
మధుమధురే మధుకైటభగంజిని కైటభభంజిని రాసరతే
జయ జయ హే మహిషాసుర మర్దిని రమ్యకపర్దిని
శైలసుతే ||3||
అయి శతఖండ విఖండితరుండ వితుండితశుండ గజాధిపతే
రిపుగజగండ విదారణ చండపరాక్రమశుండ మృగాధిపతే|
నిజభుజదండ నిపాతితఖండవిపాతితముండభటాధిపతే
జయ జయ హే మహిషాసుర మర్దిని రమ్యకపర్దిని
శైలసుతే ||4||
అయి రణదుర్మద శత్రువధోదిత దుర్ధరనిర్జర
శక్తి భృతే
చతురవిచారధురీణ మహాశియ దూతకృత ప్రమథాధిపతే|
దురితదురీహదురాశయదుర్మతి దానవ దూత
కృతాంతమతే
జయ జయ హే మహిషాసుర మర్దిని రమ్యకపర్దిని
శైలసుతే ||5||
అయి నిజహుంకృతిమాత్ర నిరాకృత ధూమ్రవిలోచన
ధూమ్రశతే
సమరవిశోషిత శోణితబీజ సముద్భవశోణిత బీజలతే|
శివ శివ శుంభనిశుంభ మహాహవ తర్పిత
భూతపిశాచరతే
జయ జయ హే మహిషాసుర మర్దిని రమ్యకపర్దిని శైలసుతే
||6||
ధనురనుసంగ రణక్షణసంగ పరిస్ఫురదంగ నటత్కటకే
కనక పిశంగ పృషత్కనిషంగరసద్భట శృంగ హతావటుకే|
కృత చతురంగ బలక్షితి రంగ ఘటద్బహురంగ
రటద్బటుకే
జయ జయ హే మహిషాసుర మర్దిని రమ్యకపర్దిని
శైలసుతే ||7||
సురలలనా తతథేయి తథేయి తథాభినయోదర నృత్య రతే
కృత కుకుథః గడదాధికతాల కుతూహల గానరతే |
ధుధుకుట ధుక్కుట ధింధిమిత ధ్వని ధీర మృదంగ
నినాదరతే
జయ జయ హే మహిషాసుర మర్దిని రమ్యకపర్దిని
శైలసుతే ||8||
జయ జయ జప్య జయే జయ శబ్ద పరస్తుతి తత్పర
విశ్వనుతే
ఝణఝణ ఝింఝిమి ఝింకృత నూపుర శింజిత మోహిత
భూతపతే| (భ-, భిం-)
నటిత నటార్ధ నటీనట నాయక నాటిత నాట్యరతే
జయ జయ హే మహిషాసుర మర్దిని రమ్యకపర్దిని
శైలసుతే ||9||
అయి సుమనః సుమనః సుమనః సుమనః సుమనోహర
కాంతియుతే
శ్రిత రజనీరజ నీరజ నీరజనీ రజనీకర
వక్త్రవృతే|
సునయన విభ్రమర భ్రమర భ్రమర భ్రమర
భ్రమరాధిపతే
జయ జయ హే మహిషాసుర మర్దిని రమ్యకపర్దిని
శైలసుతే ||10||
సహిత మహాహవ మల్లమతల్లిక మల్లిత రల్లక మల్ల
రతే
విరచితవల్లిక పల్లిక మల్లిక ఝిల్లిక
భిల్లిక వర్గవృతే|
సిత కృతఫుల్ల సముల్లసితారుణ తల్లజ పల్లవ
సల్లలితే
జయ జయ హే మహిషాసుర మర్దిని రమ్యకపర్దిని
శైలసుతే ||11||
అవిరల గండగళన్మద మేదుర మత్త మతంగజ రాజపతే
త్రిభువన భూషణభూత కళానిధి రూపపయోనిధి
రాజసుతే|
అయి సుదతీజన లాలస మానస మోహన మన్మధ రాజ సుతే
జయ జయ హే మహిషాసుర మర్దిని రమ్యకపర్దిని
శైలసుతే ||12||
కమలదళామల కోమల కాంతి కలాకలితామల భాలలతే
సకల విలాస కళానిలయక్రమ కేళికలత్కలహంసకులే|
అలికుల సంకుల కువలయ మండల మౌళిమిలద్
వకులాలికులే
జయ జయ హే మహిషాసుర మర్దిని రమ్యకపర్దిని
శైలసుతే ||13||
కర మురళీ రవ వీజిత కూజిత లజ్జితకోకిల
మంజుమతే
మిలిత మిలింద మనోహర గుంజిత రంజిత శైలనికుంజ
గతే|
నిజగణభూత మహాశబరీగణ సద్గుణ సంభృత కేళితలే
జయ జయ హే మహిషాసుర మర్దిని రమ్యకపర్దిని
శైలసుతే ||14||
కటితటపీత దుకూల విచిత్ర మయూఖ తిరస్కృత
చంద్రరుచే
ప్రణతసురాసుర మౌళిమణిస్ఫురదంశులసన్నఖ
సాంద్రరుచే|
జిత కనకాచల మౌళిమదోర్జిత నిర్బరకుంజర
కుంభకుచే
జయ జయ హే మహిషాసుర మర్దిని రమ్యకపర్దిని
శైలసుతే ||15||
విజిత సహస్రకరైక సహస్రకరైక సహస్రకరైకనుతే
కృత సురతారక సంగర తారక సంగర తారక సూనుసుతే|
సురథ సమాధి సమాన సమాధి సమాధిసమాధి సుజాత
రతే
జయ జయ హే మహిషాసుర మర్దిని రమ్యకపర్దిని
శైలసుతే ||16||
పదకమలం కరుణానిలయే వరివస్యతి యోఽనుదినం స
శివే
అయి కమలే కమలానిలయే కమలానిలయః స కథం న
భవేత్|
తవ పదమేవ పరంపద మిత్యనుశీలయతో మమ కిం న
శివే
జయ జయ హే మహిషాసుర మర్దిని రమ్యకపర్దిని
శైలసుతే ||17||
కనకలసత్కల సింధుజలైరనుషింజతితే గుణరంగభువం
భజతి స కిం న శచీకుచకుంభత తటీపరి రంభ
సుఖానుభవం|
తవ చరణం శరణం కరవాణి నతామరవాణి నివాశి శివం
జయ జయ హే మహిషాసుర మర్దిని రమ్యకపర్దిని
శైలసుతే ||18||
తవ విమలేఽందుకలం వదనేందుమలం సకలం నను
కూలయతే
కిము పురుహూత పురీందుముఖీ సుముఖీభిరసౌ విముఖీ
క్రియతే|
మమ తు మతం శివనామధనే భవతీ కృపయా కిముత
క్రియతే
జయ జయ హే మహిషాసుర మర్దిని రమ్యకపర్దిని
శైలసుతే ||19||
అయి మయి దీనదయాళుతయా కృపయైవ త్వయా భవితవ్యముమే
అయి జగతో జననీ కృపయాసి యథాసి తథానుభితాసి
రతే|
యదుచితమత్ర భవత్యురరీ కురుతా దురుతాపమపా
కురుతే
జయ జయ హే మహిషాసుర మర్దిని రమ్యకపర్దిని
శైలసుతే ||20||
శ్లో॥ స్తుతి మితి స్తిమితస్తు సమాధినా నియమతో యమతో నుదినం పఠేత్
పరమయా రమయా స తు సేవ్యతే పరిజనో పిజనో పిచ
తంభజేత్||