Sri Annapurna Stotram - శ్రీ
అన్నపూర్ణా స్తోత్రం
నిత్యానందకరీ వరాభయకరీ సౌందర్య రత్నాకరీ
నిర్ధూతాఖిల పాపనాశనకరీ ప్రత్యక్ష
మాహేశ్వరీ|
ప్రాలేయాచల వంశ పావనకరీ కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||1||
మాతా అన్నపూర్ణేశ్వరీ
నానా రత్న విచిత్ర భూషణకరి హేమాంబరాడంబరీ
ముక్తాహార విళంబమాన విలసద్వక్షోజ కుంభాంతరీ|
కాశ్మీరాగరువాసితాంగరుచిరే కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||2||
మాతా అన్నపూర్ణేశ్వరీ
యోగానందకరీ రిపుక్షయకరీ ధర్మైక్యనిష్ఠాకరీ
చంద్రార్కానల భాసమాన లహరీ త్రైలోక్య
రక్షాకరీ|
సర్వైశ్వర్యకరీ తపః ఫలకరీ కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||3||
మాతా అన్నపూర్ణేశ్వరీ
కైలాసాచల కందరాలయకరీ గౌరీ ఉమాశాంకరీ
కౌమారీ నిగమార్థ గోచరకరీ ఓంకార బీజాక్షరీ|
మోక్షద్వార కవాటపాటనకరీ కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||4||
మాతా అన్నపూర్ణేశ్వరీ
దృశ్యాదృశ్య విభూతిపావనకరీ బ్రహ్మాండ
భాండోదరీ
లీలా నాటక సూత్ర ఖేలనకరీ విజ్ఞాన దీపాంకురీ|
శ్రీ విశ్వేశమనః ప్రమోదనకరీ
కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||5||
మాతా అన్నపూర్ణేశ్వరీ
ఆదిక్షాంత సమస్తవర్ణనకరీ శంభు ప్రియే శంకరీ
కాశ్మీరా త్రిపురేశ్వరీ త్రినయని
విశ్వేశ్వరీ శ్రీకరీ|
స్వర్గద్వారకపాటపాటనకరీ కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||6||
మాతా అన్నపూర్ణేశ్వరీ
ఉర్వీసర్వజయేశ్వరీ జయకరీ మాతా కృపాసాగరీ
నారీ నీలసమానకుంతలధరీ నిత్యాన్నదానేశ్వరీ|
సాక్షాన్మోక్షకరీ సదాశుభకరీ
కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||7||
మాతా అన్నపూర్ణేశ్వరీ
దేవీ సర్వవిచిత్రరత్నరచితా దాక్షాయిణీ
సుందరీ
వామా స్వాదుపయోధరా ప్రియకరీ
సౌభాగ్యమాహేశ్వరీ|
భక్తాభీష్టకరీ సదా శుభకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ
||8||
మాతా అన్నపూర్ణేశ్వరీ
చంద్రార్కానల కోటికోటి సదృశీ
చంద్రాంశుబింబాధరీ
చంద్రార్కాగ్ని సమానకుండలధరీ చంద్రార్క
వర్ణేశ్వరీ
మాలాపుస్తక పాశసాంకుశధరీ కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||9||
మాతా అన్నపూర్ణేశ్వరీ
క్షత్రత్రాణకరీ సదాశివకరీ మాతా కృపాసాగరీ
సాక్షాన్మోక్షకరీ సదా శివకరీ విశ్వేశ్వరీ
శ్రీధరీ|
దక్షాక్రందకరీ నిరామయకరీ కాశీపురాధీశ్వరీ
భిక్షాం దేహి కృపావలంబనకరీ
మాతాన్నపూర్ణేశ్వరీ ||10||
మాతా అన్నపూర్ణేశ్వరీ
అన్నపూర్ణే సదాపూర్ణే శంకర ప్రాణవల్లభే|
జ్ఞాన వైరాగ్య సిద్ధ్యర్థం భిక్షాం దేహి చ
పార్వతీ ||11||
మాతా చ పార్వతీదేవీ పితాదేవో మహేశ్వరః|
బాంధవా: శివభక్తాశ్చ స్వదేశో భువనత్రయం ||12||
| ఇతి శ్రీమత్పరమహంసపరివ్రాజకాచార్యస్య
శ్రీ గోవింద భగవత్పూజ్య పాదశిష్యస్య శ్రీమచ్ఛంకర భగవతః కృతౌ అన్నపూర్ణా స్తోత్రం
సంపూర్ణం |