Gangadhara Stotram – శ్రీ గంగాధర
స్తోత్రం
క్షీరాంభోనిధిమన్థనోద్భవవిషాత్
సంధ్యహ్యమానాన్ సురాన్
బ్రహ్మాదీనవలోక్య యః
కరుణయా హాలాహలాఖ్యం విషం |
నిఃశంకం నిజలీలయా
కబలయన్లోకాన్రరక్షాదరా-
-దార్తత్రాణపరాయణః
స భగవాన్ గంగాధరో మే గతిః || 1 ||
క్షీరం స్వాదు నిపీయ
మాతులగృహే గత్వా స్వకీయం గృహం
క్షీరాలాభవశేన ఖిన్నమనసే
ఘోరం తపః కుర్వతే |
కారుణ్యాదుపమన్యవే
నిరవధిం క్షీరాంబుధిం దత్తవాన్
ఆర్తత్రాణపరాయణః స భగవాన్
గంగాధరో మే గతిః || 2 ||
మృత్యుం వక్షసి తాడయన్
నిజపదధ్యానైకభక్తం మునిం
మార్కణ్డేయమపాలయత్ కరుణయా
లింగాద్వినిర్గత్య యః |
నేత్రాంభోజసమర్పణేన హరయేఽభీష్టం
రథాంగమ్ దదౌ
ఆర్తత్రాణపరాయణః స భగవాన్
గంగాధరో మే గతిః || 3 ||
వ్యూఢం
ద్రోణజయద్రథాదిరథికైః సైన్యం మహత్ కౌరవం
దృష్ట్వా కృష్ణసహాయవంతమపి
తం భీతం ప్రపన్నార్తిహా |
పార్థం రక్షితవానమోఘవిషయం
దివ్యాస్త్రముద్బోధయన్
ఆర్తత్రాణపరాయణః స భగవాన్
గంగాధరో మే గతిః || 4 ||
బాలం శైవకులోద్భవం
పరిహసత్ స్వజ్ఞాతిపక్షాకులం
ఖిద్యంతం తవ మూర్ధ్ని
పుష్పనిచయం దాతుం సముద్యత్కరం |
దృష్ట్వాఽ నమ్య
విరించిరంయనగరే పూజాం త్వదీయం భజన్
ఆర్తత్రాణపరాయణః స భగవాన్
గంగాధరో మే గతిః || 5 ||
సంత్రస్తేషు పురా
సురాసురభయాదింద్రాదిబృందారకే-
-ఽశ్వారూఢో
ధరణీరథం శ్రుతిహయం కృత్వా మురారిం శరం |
రక్షన్ యః కృపయా
సమస్తవిబుధాన్ జిత్వా పురారీన్ క్షణాత్
ఆర్తత్రాణపరాయణః స భగవాన్
గంగాధరో మే గతిః || 6 ||
శ్రౌతస్మార్తపథే
పరాఙ్ముఖమపి ప్రోద్యన్మహాపాతకం
విశ్వాతీతమపి త్వమేవ
గతిరిత్యాలాపయంతం సకృత్ |
రక్షన్ యః కరుణాపయోనిధిరితి
ప్రాప్తప్రసిద్ధిః పురా
ఆర్తత్రాణపరాయణః స భగవాన్
గంగాధరో మే గతిః || 7 ||
గాంగం వేగమవాప్య
మాన్యవిబుధైః సోఢుం పురా యాచితో
దృష్ట్వా భక్తభగీరథేన
వినతో రుద్రో జటామండలే |
కారుణ్యాదవనీతలే
సురనదీమాపూరయత్ పావనీం
ఆర్తత్రాణపరాయణః స భగవాన్
గంగాధరో మే గతిః || 8 ||
|| ఇతి
శ్రీ మదప్పయదీక్షితవిరచితం శ్రీ గంగాధరాష్టకం సమాప్తం ||