Mahadeva Ashtakam - శ్రీ
మహాదేవాష్టకం
శివం శాంతం శుద్ధం
ప్రకటమకళఙ్కం శ్రుతినుతం
మహేశానం శంభుం
సకలసురసంసేవ్యచరణం |
గిరీశం గౌరీశం భవభయహరం
నిష్కళమజం
మహాదేవం వందే ప్రణతజనతా
తపోపశమనం || 1 ||
సదా సేవ్యం భక్తైర్హృది
వసన్తం గిరిశయ-
ముమాకాన్తం క్షాన్తం
కరఘృతపినాకం భ్రమహరం |
త్రినేత్రం పఞ్చాస్యం
దశభుజమనన్తం శశిధరం
మహాదేవం వందే ప్రణతజనతా తపోపశమనం
|| 2 ||
చితాభస్మాలిప్తం
భుజగముకుటం విశ్వసుఖదం
ధనాధ్యక్షస్యాఙ్గం
త్రిపుర వధకర్తారమనఘం |
కరోటీఖట్వాఙ్గే హ్యురసి చ
దధానం మృతిహరం
మహాదేవం వందే ప్రణతజనతా
తపోపశమనం || 3 ||
సదోత్సాహం
గఙ్గాధరమచలమానన్దకరణం
పురారాతిం భాతం రతిపతిహరం
దీప్తవదనం |
జటాజూటైర్జుష్టం
రసముఖగణేశానపితరం
మహాదేవం వందే ప్రణతజనతా
తపోపశమనం || 4 ||
వసన్తం కైలాసే
సురమునిసభాయాం హి నితరాం
బ్రువాణం సద్ధర్మం
నిఖిలమనుజానన్దజనకం |
మహేశానీ
సాక్షాత్-సనకమునిదేవర్షి సహితా
మహాదేవం వందే ప్రణతజనతా
తపోపశమనం || 5 ||
శివాం స్వే వామాఙ్గే
గుహగణపతిం దక్షిణభుజే
గలే కాలం వ్యాలం జలధిగరళం
కణ్ఠవివరే |
లలాటే శ్వేతేన్దుం జగదపి
దధానం చ జఠరే
మహాదేవం వందే ప్రణతజనతా
తపోపశమనం || 6 ||
సురాణాం దైత్యానాం
బహులమనుజానాం బహువిధం
తపఃకుర్వాణానాం ఝటితి
ఫలదాతారమఖిలం |
సురేశం విద్యేశం
జలనిధిసుతాకాంత హృదయం
మహాదేవం వందే ప్రణతజనతా
తపోపశమనం || 7 ||
వసానం వైయాఘ్రీం
మృదులలలితాం కృత్తిమజరాం
వృషారూఢం సృష్ట్యాదిషు
కమలజాద్యాత్మవపుషం |
అతర్క్యం నిర్మాయం తదపి
ఫలదం భక్తసుఖదం
మహాదేవం వందే ప్రణతజనతా
తపోపశమనం || 8 ||
ఇదం స్తోత్రం
శంభోర్దురితదలనం ధాన్యధనదం హృది
ధ్యాత్వా శంభుం తదను
రఘునాథేన రచితం |
నరః సాయంప్రాతః పఠతి
నియతం తస్య విపదః
క్షయం యాంతి స్వర్గం
వ్రజతి సహసా సోఽపి ముదితః || 9 ||
|| ఇతి
శ్రీ మహాదేవాష్టకం సంపూర్ణం ||