క్షీరాబ్ది ద్వాదశి మహిమ — లక్ష్మీనారాయణుల కలయిక దినం
కార్తీక మాస శుక్ల
ద్వాదశినే “క్షీరాబ్ది ద్వాదశి”
అని పిలుస్తారు. శ్రీమన్నారాయణుడు క్షీరసాగరంలో యోగనిద్ర నుంచి
మేల్కొని, లక్ష్మీదేవితో కలిసిన దినం ఇది. అందువల్ల ఈ
ద్వాదశిని “లక్ష్మీనారాయణ కళ్యాణ దినం”గా
పూజిస్తారు. ఈ రోజు పౌరాణికంగా, ఆధ్యాత్మికంగా అత్యంత పవిత్రమైనది.
ఈ రోజు యొక్క ప్రతేకత-
పూర్వదినం హరిబోధిని
ఏకాదశి లేదా దేవోత్తాని ఏకాదశి — శ్రీహరి
యోగనిద్రలో నుండి మేల్కొన్న రోజు. తదుపరి రోజు ద్వాదశి క్షీరసాగర తీరంలో
లక్ష్మీదేవి దర్శనం పొందిన సందర్భం అని పురాణాలు పేర్కొంటాయి.
క్షీరాబ్ది ద్వాదశి నాడు
గోపూజ, అన్నదానం చేయడం విశేష ఫలప్రదం.
ఈ రోజు తులసీ–శాలిగ్రామ వివాహం విస్తృతంగా జరుగుతుంది. తులసీ భక్తిని, శాలిగ్రామం పరమాత్మత్వాన్ని సూచిస్తూ, ఈ కలయిక భక్తి–భగవంతుల ఏకత్వానికి చిహ్నం.
వైష్ణవ దేవాలయాలలో ఈ
రోజున సహస్రనామ పారాయణం, దీపారాధన, అన్నదానం వంటి విశేష పూజలు జరుగుతాయి.
భక్తులు ఈ రోజు తమ ఇంటిలో
తులసీ కోటను శుభ్రపరిచి, అలంకరించి, దీపాలంకరణ చేస్తారు. పువ్వులు, పళ్ళు మరియు
తులసీదళాలతో హరిని పూజిస్తారు.
క్షీరసాగర మథనం ద్వారా
ఉద్భవించిన శ్రీమహాలక్ష్మీదేవి క్షీరాబ్ధిద్వాదశినాడు విష్ణువును వరించగా, ఈ రోజు సంపద, ఐశ్వర్య, శాంతిలకు
సూచికగా మారింది.
భక్తులు ఉపవాసం పాటించి, పాలు–బెల్లంతో చేసిన క్షీరాన్నాన్ని నైవేద్యంగా
సమర్పిస్తారు.
ఈ రోజు విష్ణుసహస్రనామం, శ్రీసూక్తం, పురుషసూక్తం పారాయణం చేయడం పాపక్షయకరం.
సాయంత్రం తులసీ చుట్టూ
దీపాలు వెలిగించి, కుటుంబమంతా కలసి
భజనలు, హరికీర్తన చేస్తే ఆ గృహం ఐశ్వర్యవంతమవుతుంద ని
విశ్వాసం.
ఈ రోజు ఒక తులసీ మొక్కను
నాటి, దానికి నీరు పోసి “శ్రీసురభ్యై నమః” మంత్రంతో పూజిస్తే దీర్ఘ ఆయుష్షు,
ఆరోగ్యం, సుఖశాంతులు లభిస్తాయి.
తులసీదళం వలన
దరిద్ర్యనివారణ, జ్ఞానవృద్ధి, సంతానసాఫల్యం కలుగుతుందని శాస్త్రాలు చెబుతున్నాయి.
ఈ రోజు విష్ణు–లక్ష్మి విగ్రహాల స్నానాభిషేకం చేసి, తులసీదళార్చన
చేయడం పుణ్యప్రదం.
తులసీదళం–హరినామం–దీపదానం — ఈ మూడూ
కలిసి పాపవిమోచనం, ధనవృద్ధి, శాంతి,
మోక్షసాధనకు మార్గం చూపుతాయి.
పిల్లలకు తులసీ పూజా
ప్రాముఖ్యత వివరించడం, ఆచార సంప్రదాయాలను
నేర్పడం ఈ రోజు శ్రేష్ఠకార్యం.
ఈ రోజు చేసే ప్రతి పూజా
కార్యం లక్ష్మీకటాక్షాన్ని పెంచుతుంది. భక్తితో చేసే దీపారాధన జీవనంలో వెలుగును
తెస్తుంది.
“ఓం నమో
నారాయణాయ” అనే మంత్రజపం ఎన్నోరెట్లు పుణ్యాన్ని పెంచుతుంది.
భక్తులు సాయంత్రం
హరినామసంకీర్తన చేసి, శ్రద్ధతో తులసీ
చుట్టూ ప్రదక్షిణలు చేస్తే దివ్యశాంతి కలుగుతుంది.
తులసీ–శాలిగ్రామ కల్యాణానికి సాక్ష్యం వహించడం మనలోని దైవభక్తి, విశ్వాసానికి ప్రతీక.
క్షీరాబ్ది ద్వాదశి వ్రతం
చేసినవారు కుటుంబ సౌఖ్యం, దాంపత్య ఐక్యత,
ధనసమృద్ధి పొందుతారు.
ఈ రోజు దానం చేసిన దీపం
మన పాపాలను దహనం చేస్తుంది, మనసును
శాంతితో నింపుతుంది.
తిరుమలలో కైశిక ద్వాదశి
ఉత్సవం ఈ రోజు ప్రత్యేకత. ఉదయం ఉగ్రశ్రీనివాస దర్శనం సంప్రదాయంగా నిర్వహిస్తారు.
ఇది సంవత్సరంలో ఒక్కసారి మాత్రమే జరుగుతుంది.
ఓం నమో నారాయణాయ
శ్రీమతే నారాయణాయ నమః