Labels

Breaking

Vedasara Shiva Stotram – శ్రీ వేదసార శివ స్తోత్రం

Vedasara Shiva Stotram – శ్రీ వేదసార శివ స్తోత్రం

 

పశూనాం పతిం పాపనాశం పరేశం

గజేంద్రస్య కృత్తిం వసానం వరేణ్యం |

జటాజూటమధ్యే స్ఫురద్గాంగవారిం

మహాదేవమేకం స్మరామి స్మరారిమ్ || 1 ||

 

మహేశం సురేశం సురారాతినాశం

విభుం విశ్వనాథం విభూత్యంగభూషం |

విరూపాక్షమింద్వర్కవహ్నిత్రినేత్రం

సదానందమీడే ప్రభుం పంచవక్త్రం || 2 ||

 

గిరీశం గణేశం గళే నీలవర్ణం

గవేంద్రాధిరూఢం గుణాతీతరూపం |

భవం భాస్వరం భస్మనా భూషితాంగం

భవానీకలత్రం భజే పంచవక్త్రం || 3 ||

 

శివాకాంత శంభో శశాంకార్ధమౌళే

మహేశాన శూలిన్ జటాజూటధారిన్ |

త్వమేకో జగద్వ్యాపకో విశ్వరూపః

ప్రసీద ప్రసీద ప్రభో పూర్ణరూప || 4 ||

 

పరాత్మానమేకం జగద్బీజమాద్యం

నిరీహం నిరాకారమోంకారవైద్యం |

యతో జాయతే పాల్యతే యేన విశ్వం

తమీశం భజే లీయతే యత్ర విశ్వం || 5 ||

 

న భూమిర్న చాపో న వహ్నిర్న వాయు-

-ర్న చాకాశమాస్తే న తంద్రా న నిద్రా |

న గ్రీష్మో న శీతం న దేశో న వేషో

న యస్యాస్తి మూర్తిస్త్రిమూర్తిం తమీడే || 6 ||

 

అజం శాశ్వతం కారణం కారణానాం

శివం కేవలం భాసకం భాసకానాం |

తురీయం తమఃపారమాద్యంతహీనం

ప్రపద్యే పరం పావనం ద్వైతహీనం || 7 ||

 

నమస్తే నమస్తే విభో విశ్వమూర్తే

నమస్తే నమస్తే చిదానందమూర్తే |

నమస్తే నమస్తే తపోయోగగమ్య

నమస్తే నమస్తే శ్రుతిజ్ఞానగమ్య || 8 ||

 

ప్రభో శూలపాణే విభో విశ్వనాథ

మహాదేవ శంభో మహేశ త్రినేత్ర |

శివాకాంత శాంత స్మరారే పురారే

త్వదన్యో వరేణ్యో న మాన్యో న గణ్యః || 9 ||

 

శంభో మహేశ కరుణామయ శూలపాణే

గౌరీపతే పశుపతే పశుపాశనాశిన్ |

కాశీపతే కరుణయా జగదేతదేక-

-స్త్వం హంసి పాసి విదధాసి మహేశ్వరోఽసి || 10 ||

 

త్వత్తో జగద్భవతి దేవ భవ స్మరారే

త్వయ్యేవ తిష్ఠతి జగన్మృడ విశ్వనాథ |

త్వయ్యేవ గచ్ఛతి లయం జగదేతదీశ

లింగాత్మకే హర చరాచరవిశ్వరూపిన్ || 11 ||

 

|| ఇతి శ్రీమత్పరమహంస పరివ్రాజకాచార్య శ్రీమచ్ఛంకరాచార్య విరచితం వేదసార శివ స్తోత్రం సంపూర్ణం ||

 

గణేశ స్తోత్రాలు

లక్ష్మీదేవి స్తోత్రాలు

శివ స్తోత్రాలు

విషుమూర్తి స్తోత్రాలు

వెంకటేశ్వర స్తోత్రాలు

అష్టోత్తర శతనామావళి

సహస్రనామావళి

పూజలు 

WhatsApp Group Join Now
Telegram Group Join Now