Mritasanjeevani Stotram – మృతసంజీవని స్తోత్రం
ఏవమారాధ్య గౌరీశం
దేవం మృత్యుంజయేశ్వరం |
మృతసంజీవనం నామ్నా
కవచం ప్రజపేత్సదా || 1 ||
సారాత్సారతరం పుణ్యం
గుహ్యాద్గుహ్యతరం శుభం |
మహాదేవస్య కవచం
మృతసంజీవనామకం || 2 ||
సమాహితమనా భూత్వా
శృణుష్వ కవచం శుభం |
శృత్వైతద్దివ్య కవచం
రహస్యం కురు సర్వదా || 3 ||
వరాభయకరో యజ్వా
సర్వదేవనిషేవితః |
మృత్యుంజయో మహాదేవః
ప్రాచ్యాం మాం పాతు సర్వదా || 4 ||
దధానః శక్తిమభయాం
త్రిముఖం షడ్భుజః ప్రభుః |
సదాశివోఽగ్నిరూపీ మాం
ఆగ్నేయ్యాం పాతు సర్వదా || 5 ||
అష్టాదశభుజోపేతో
దండాభయకరో విభుః |
యమరూపీ మహాదేవో
దక్షిణస్యాం సదాఽవతు || 6 ||
ఖడ్గాభయకరో ధీరో
రక్షోగణనిషేవితః |
రక్షోరూపీ మహేశో మాం
నైరృత్యాం సర్వదాఽవతు || 7 ||
పాశాభయభుజః
సర్వరత్నాకరనిషేవితః |
వరూణాత్మా మహాదేవః
పశ్చిమే మాం సదాఽవతు || 8 ||
గదాభయకరః ప్రాణనాయకః
సర్వదాగతిః |
వాయవ్యాం మారుతాత్మా
మాం శంకరః పాతు సర్వదా || 9 ||
శంఖాభయకరస్థో మాం
నాయకః పరమేశ్వరః |
సర్వాత్మాంతరదిగ్భాగే
పాతు మాం శంకరః ప్రభుః || 10 ||
శూలాభయకరః
సర్వవిద్యానామధినాయకః |
ఈశానాత్మా తథైశాన్యాం
పాతు మాం పరమేశ్వరః || 11 ||
ఊర్ధ్వభాగే
బ్రహ్మరూపీ విశ్వాత్మాఽధః సదాఽవతు |
శిరో మే శంకరః పాతు
లలాటం చంద్రశేఖరః || 12 ||
భ్రూమధ్యం
సర్వలోకేశస్త్రినేత్రో లోచనేఽవతు |
భ్రూయుగ్మం గిరిశః
పాతు కర్ణౌ పాతు మహేశ్వరః || 13 ||
నాసికాం మే మహాదేవ
ఓష్ఠౌ పాతు వృషధ్వజః |
జిహ్వాం మే
దక్షిణామూర్తిర్దంతాన్మే గిరిశోఽవతు || 14 ||
మృత్యుంజయో ముఖం పాతు
కంఠం మే నాగభూషణః |
పినాకీ మత్కరౌ పాతు
త్రిశూలీ హృదయం మమ || 15 ||
పంచవక్త్రః స్తనౌ
పాతు ఉదరం జగదీశ్వరః |
నాభిం పాతు
విరూపాక్షః పార్శ్వౌ మే పార్వతీపతిః || 16 ||
కటిద్వయం గిరీశో మే
పృష్ఠం మే ప్రమథాధిపః |
గుహ్యం మహేశ్వరః పాతు
మమోరూ పాతు భైరవః || 17 ||
జానునీ మే జగద్ధర్తా
జంఘే మే జగదంబికా |
పాదౌ మే సతతం పాతు
లోకవంద్యః సదాశివః || 18 ||
గిరిశః పాతు మే
భార్యాం భవః పాతు సుతాన్మమ |
మృత్యుంజయో మమాయుష్యం
చిత్తం మే గణనాయకః || 19 ||
సర్వాంగం మే సదా పాతు
కాలకాలః సదాశివః |
ఏతత్తే కవచం పుణ్యం
దేవతానాం చ దుర్లభం || 20 ||
మృతసంజీవనం నామ్నా
మహాదేవేన కీర్తితం |
సహస్రావర్తనం చాస్య
పురశ్చరణమీరితం || 21 ||
యః
పఠేచ్ఛృణుయాన్నిత్యం శ్రావయేత్సుసమాహితః |
స కాలమృత్యుం
నిర్జిత్య సదాయుష్యం సమశ్నుతే || 22 ||
హస్తేన వా యదా
స్పృష్ట్వా మృతం సంజీవయత్యసౌ |
ఆధయో వ్యాధయస్తస్య న
భవంతి కదాచన || 23 ||
కాలమృత్యుమపి
ప్రాప్తమసౌ జయతి సర్వదా |
అణిమాదిగుణైశ్వర్యం
లభతే మానవోత్తమః || 24 ||
యుద్ధారంభే
పఠిత్వేదమష్టావింశతివారకం |
యుద్ధమధ్యే స్థితః
శత్రుః సద్యః సర్వైర్న దృశ్యతే || 25 ||
న బ్రహ్మాదీని
చాస్త్రాణి క్షయం కుర్వంతి తస్య వై |
విజయం లభతే
దేవయుద్ధమధ్యేపి సర్వదా || 26 ||
ప్రాతరుత్థాయ సతతం యః
పఠేత్కవచం శుభం |
అక్షయ్యం లభతే
సౌఖ్యమిహలోకే పరత్ర చ || 27 ||
సర్వవ్యాధివినిర్ముక్తః
సర్వరోగవివర్జితః |
అజరామరణోభూత్వా సదా
షోడశవార్షికః || 28 ||
విచరత్యఖిలాన్లోకాన్ప్రాప్య
భోగాంశ్చ దుర్లభాన్ |
తస్మాదిదం మహాగోప్యం
కవచం సముదాహృతమ్ || 29 ||
మృతసంజీవనం నామ్నా
దేవతైరపి దుర్లభం |
మృతసంజీవనం నామ్నా
దేవతైరపి దుర్లభం || 30 ||
|| ఇతి శ్రీ మృతసంజీవని స్తోత్రం సంపూర్ణం ||