Swarnakarshana Bhairava Stotram
– శ్రీ స్వర్ణాకర్షణ భైరవ
స్తోత్రం
ఓం అస్య శ్రీ
స్వర్ణాకర్షణ భైరవ స్తోత్ర మహామంత్రస్య బ్రహ్మ ఋషిః అనుష్టుప్ ఛందః శ్రీ
స్వర్ణాకర్షణ భైరవో దేవతా హ్రీం బీజం క్లీం శక్తిః సః కీలకం మమ దారిద్ర్య నాశార్థే
పాఠే వినియొగః ||
ఋష్యాది
న్యాసః -
బ్రహ్మర్షయే నమః
శిరసి |
అనుష్టుప్ ఛందసే నమః
ముఖే |
స్వర్ణాకర్షణ భైరవాయ
నమః హృది |
హ్రీం బీజాయ నమః
గుహ్యే |
క్లీం శక్తయే నమః
పాదయోః |
సః కీలకాయ నమః నాభౌ |
వినియొగాయ నమః
సర్వాంగే |
హ్రాం హ్రీం హ్రూం
ఇతి కర షడంగన్యాసః ||
ధ్యానం -
పారిజాతద్రుమ కాంతారే
స్థితే మాణిక్య మండపే
సింహాసన గతం వందే
భైరవం స్వర్ణదాయకం |
గాంగేయ పాత్రం డమరూం
త్రిశూలం
వరం కరః సందధతం
త్రినేత్రం
దేవ్యాయుతం తప్త
స్వర్ణవర్ణ
స్వర్ణాకర్షణ
భైరవమాశ్రయామి ||
శ్రీ
స్వర్ణాకర్షణ భైరవ మంత్రం -
ఓం ఐం హ్రీం శ్రీం ఐం
శ్రీం ఆపదుద్ధారణాయ హ్రాం హ్రీం హ్రూం అజామలవధ్యాయ లోకేశ్వరాయ స్వర్ణాకర్షణ భైరవాయ
మమ దారిద్ర్య విద్వేషణాయ మహాభైరవాయ నమః శ్రీం హ్రీం ఐం |
స్తోత్రం -
ఓం నమస్తే భైరవాయ
బ్రహ్మ విష్ణు శివాత్మనే|
నమః త్రైలోక్య
వంద్యాయ వరదాయ వరాత్మనే || 1 ||
రత్నసింహాసనస్థాయ దివ్యాభరణ
శోభినే |
దివ్యమాల్య విభూషాయ
నమస్తే దివ్యమూర్తయే || 2 ||
నమస్తే అనేక హస్తాయ
అనేక శిరసే నమః |
నమస్తే అనేక నేత్రాయ
అనేక విభవే నమః || 3 ||
నమస్తే అనేక కంఠాయ
అనేకాంశాయ తే నమః |
నమస్తే అనేక
పార్శ్వాయ నమస్తే దివ్య తేజసే || 4 ||
అనేకాఽయుధయుక్తాయ
అనేక సురసేవినే |
అనేక గుణయుక్తాయ
మహాదేవాయ తే నమః || 5 ||
నమో దారిద్ర్యకాలాయ
మహాసంపత్ప్రదాయినే |
శ్రీ భైరవీ సంయుక్తాయ
త్రిలోకేశాయ తే నమః || 6 ||
దిగంబర నమస్తుభ్యం
దివ్యాంగాయ నమో నమః |
నమోఽస్తు దైత్యకాలాయ
పాపకాలాయ తే నమః || 7 ||
సర్వజ్ఞాయ నమస్తుభ్యం
నమస్తే దివ్య చక్షుషే |
అజితాయ నమస్తుభ్యం
జితమిత్రాయ తే నమః || 8 ||
నమస్తే రుద్రరూపాయ
మహావీరాయ తే నమః |
నమోఽస్త్వనంత వీర్యాయ
మహాఘోరాయ తే నమః || 9 ||
నమస్తే ఘోర ఘోరాయ
విశ్వఘోరాయ తే నమః |
నమః ఉగ్రాయ శాంతాయ
భక్తానాం శాంతిదాయినే || 10 ||
గురవే సర్వలోకానాం
నమః ప్రణవ రూపిణే |
నమస్తే వాగ్భవాఖ్యాయ
దీర్ఘకామాయ తే నమః || 11 ||
నమస్తే కామరాజాయ
యొషిత కామాయ తే నమః |
దీర్ఘమాయాస్వరూపాయ
మహామాయాయ తే నమః || 12 ||
సృష్టిమాయా స్వరూపాయ
నిసర్గ సమయాయ తే |
సురలోక సుపూజ్యాయ
ఆపదుద్ధారణాయ చ || 13 ||
నమో నమో భైరవాయ మహాదారిద్ర్యనాశినే
|
ఉన్మూలనే కర్మఠాయ
అలక్ష్మ్యాః సర్వదా నమః || 14 ||
నమో అజామలవధ్యాయ నమో
లోకేష్వరాయ తే |
స్వర్ణాఽకర్షణ శీలాయ
భైరవాయ నమో నమః || 15 ||
మమ దారిద్ర్య
విద్వేషణాయ లక్ష్యాయ తే నమః |
నమో లోకత్రయేశాయ
స్వానంద నిహితాయ తే || 16 ||
నమః శ్రీ బీజరూపాయ
సర్వకామప్రదాయినే |
నమో మహాభైరవాయ శ్రీ
భైరవ నమో నమః || 17 ||
ధనాధ్యక్ష నమస్తుభ్యం
శరణ్యాయ నమో నమః |
నమః ప్రసన్న (రూపాయ)
ఆదిదేవాయ తే నమః || 18 ||
నమస్తే మంత్రరూపాయ
నమస్తే మంత్రరూపిణే |
నమస్తే స్వర్ణరూపాయ
సువర్ణాయ నమో నమః || 19 ||
నమః సువర్ణవర్ణాయ
మహాపుణ్యాయ తే నమః |
నమః శుద్ధాయ బుద్ధాయ
నమః సంసార తారిణే || 20 ||
నమో దేవాయ గుహ్యాయ
ప్రచలాయ నమో నమః |
నమస్తే బాలరూపాయ
పరేషాం బలనాశినే || 21 ||
నమస్తే స్వర్ణసంస్థాయ
నమో భూతలవాసినే |
నమః పాతాళవాసాయ
అనాధారాయ తే నమః || 22 ||
నమో నమస్తే శాంతాయ
అనంతాయ నమో నమః |
ద్విభుజాయ నమస్తుభ్యం
భుజత్రయ సుశోభినే || 23 ||
నమోఽణిమాది సిద్ధాయ
స్వర్ణహస్తాయ తే నమః |
పూర్ణచంద్ర ప్రతీకాశ
వదనాంభోజ శోభినే || 24 ||
నమస్తేఽస్తు స్వరూపాయ
స్వర్ణాలంకార శోభినే |
నమః స్వర్ణాఽకర్షణాయ
స్వర్ణాభాయ నమో నమః || 25 ||
నమస్తే స్వర్ణకంఠాయ
స్వర్ణాభ అంబరధారిణే |
స్వర్ణసింహాసనస్థాయ
స్వర్ణపాదాయ తే నమః || 26 ||
నమః స్వర్ణాభపాదాయ
స్వర్ణకాంచీ సుశోభినే |
నమస్తే స్వర్ణజంఘాయ
భక్తకామదుధాత్మనే || 27 ||
నమస్తే స్వర్ణభక్తాయ
కల్పవృక్ష స్వరూపిణే |
చింతామణి స్వరూపాయ
నమో బ్రహ్మాది సేవినే || 28 ||
కల్పద్రుమాద్యః
సంస్థాయ బహుస్వర్ణ ప్రదాయినే |
నమో హేమాకర్షణాయ
భైరవాయ నమో నమః || 29 ||
స్తవేనానేన సంతుష్టో
భవ లోకేశ భైరవ |
పశ్య మాం
కరుణాద్రుష్ట్యా శరణాగతవత్సల || 30 ||
శ్రీ మహాభైరవస్య ఇదం
స్తోత్రముక్తం సుదుర్లభం |
మంత్రాత్మకం
మహాపుణ్యం సర్వైశ్వర్యప్రదాయకం || 31 ||
యః పఠేన్నిత్యం
ఏకాగ్రం పాతకై స ప్రముచ్యతే |
లభతే మహతీం లక్ష్మీం
అష్టైశ్వర్యం అవాప్నుయాత్ || 32 ||
చింతామణిం అవాప్నోతి
ధేను కల్పతరుం ధృవం |
స్వర్ణరాశిం
అవాప్నోతి శీఘ్రమేవ న సంశయః || 33 ||
త్రిసంధ్యం యః పఠేత్
స్తోత్రం దశావృత్యా నరోత్తమః |
స్వప్నే శ్రీ భైరవః
తస్య సాక్షాత్ భూత్వా జగద్గురుః || 34 ||
స్వర్ణరాశి
దదాత్యస్యై తత్క్షణం నాత్ర సంశయః |
అష్టావృత్యా పఠేత్
యస్తు సంధ్యాయాం వా నరోత్తమం || 35 ||
లభతే సకలాన్ కామాన్
సప్తాహాన్ నాత్ర సంశయః |
సర్వదా యః పఠేత్
స్తోత్రం భైరవస్య మహాత్మనాః || 36 ||
లోకత్రయం వశీకుర్యాత్
అచలాం లక్ష్మీం అవాప్నుయాత్ |
న భయం విద్యతే క్వాపి
విషభూతాది సంభవం || 37 ||
మ్రియతే శత్రవః తస్య
అలక్ష్మీ నాశం ఆప్నుయాత్ |
అక్షయం లభతే సౌఖ్యం
సర్వదా మానవోత్తమః || 38 ||
అష్ట పంచాత్వర్ణాద్యో
మంత్రరాజః ప్రకీర్తితః |
దారిద్ర్య దుఃఖశమనః
స్వర్ణాకర్షణ కారకః || 39 ||
య ఏన సంచయేత్ ధీమాన్
స్తోత్రం వా ప్రపఠేత్ సదా |
మహాభైరవ సాయుజ్యం స
అనంతకాలే లభేత్ ధృవం || 40 ||
|| ఇతి రుద్రయామల తంత్రే స్వర్ణాకర్షణ భైరవ స్తోత్రం సంపూర్ణం ||