Sri Dakshinamurthy Navaratna Mala Stotram – శ్రీ
దక్షిణామూర్తి నవరత్నమాలా స్తోత్రం
మూలేవటస్య
మునిపుంగవసేవ్యమానం
ముద్రావిశేష
ముకుళీకృతపాణి పద్మమ్|
మందస్మితం
మధుర వేషముదారమాద్యం
తేజస్తదస్తు
హృదయే తరుణేందుచూడం ||1||
శాంతం
శారద చంద్రకాంతి ధవళం చంద్రాభిరామాననం
చంద్రార్కోపమ
కాంతికుండలధరం చంద్రావదాతాంశుకం|
వీణాం
పుస్తకమక్ష సూత్రవలయం వ్యాఖ్యానముద్రాం కరై-
ర్బిభ్రాణం
కలయే హృదా మమ సదా శాస్తారమిష్టార్థదమ్ ||2||
కర్పూర
గాత్రమరవిందదళాయతాక్షం
కర్పూర
శీతలహృదం కరుణావిలాసమ్|
చంద్రార్ధశేఖర
మనంతగుణాభిరామ-
మింద్రాదిసేవ్యపదపంకజ
మీశమీడే ||3||
ద్యుద్రోరధస్స్వర్ణమయాసనస్థం
ముద్రోల్లసద్బాహుముదారకాయం|
సద్రోహిణీనాథకళావతంసం
భద్రోదధిం
కంచన చింతయామః ||4||
ఉద్యద్భాస్కరసన్నిభం
త్రిణయనం శ్వేతాంగ రాగప్రభం
బాలం
మౌంజిధరం ప్రసన్న వదనం న్యగ్రోధమూలేస్థితం |
పింగాక్షం
మృగశాబకస్థితికరం సుబ్రహ్మసూత్రాకృతీం
భక్తానామభయ
ప్రదం భయహరం శ్రీదక్షిణామూర్తికం ||5||
శ్రీకాంత
ద్రుహిణోపమన్యు తపన స్కందేంద్ర నంద్యాదయః
ప్రాచీనాగురవోఽపి
యస్య కరుణాలేశాద్గతాగౌరవం|
తం
సర్వాదిగురుం మనోజ్ఞవపుషం మందస్మితాలంకృతం
చిన్ముద్రాకృతి
ముగ్ధపాణినళినం చిత్తం శివం కుర్మహే ||6||
కపర్దినం
చంద్రకళావతంసం
త్రిణేత్రమిందు
ప్రతిమాక్షితాజ్వలమ్|
చతుర్భుజం
జ్ఞానదమక్షసూత్ర-
పుస్తాగ్నిహస్తం
హృది భావయేచ్ఛివమ్ ||7||
వామోరూపరిసంస్థితాం
గిరిసుతా మన్యోన్యమాలింగితాం
శ్యామాముత్పలధారిణీం
శశినిభాం చాలోకయంతం శివం|
ఆశ్లిష్టేన
కరేణ పుస్తకమథో కుంభం సుధాపూరితం
ముద్రాం
జ్ఞానమయీం దధానమపరైర్ముక్తాక్షమాలం భజే ||8||
వటతరు
నికటనివాసం పటుతర విజ్ఞాన ముద్రిత కరాబ్జమ్|
కంచన
దేశికమాద్యం కైవల్యానంద కందళం వందే ||9||
|| ఇతి శ్రీ దక్షిణామూర్తి నవరత్నమాలా స్తోత్రం సమాప్తం ||