Vinayaka Mangala Harathi – శ్రీ వినాయక మంగళ హారతి
శ్రీ
శంభుతనయునకు సిద్ధిగణనాథునకు - వాసిగల దేవతావంద్యునకును |
ఆ సరసవిద్యలకు
ఆదిగురువైనట్టి – భూసురోత్తమ
లోకపూజ్యునకును || 1 ||
| జయ మంగళం నిత్య శుభ మంగళం |
నేరేడు మారేడు
నెలవంక మామిడి – దూర్వార చెంగల్వ
ఉత్తరేణు |
వేరువేరుగ
దెచ్చి వేడ్కతో పూజింతు – పర్వమున దేవగణపతికి
నిపుడు || 2 ||
| జయ మంగళం నిత్య శుభ మంగళం |
సుచిరముగ
భాద్రపద శుద్ధచవితి యందు – పొసగ సజ్జనులచే
పూజకొల్తు |
శశిజూడరాదన్న
జేకొంటి నొక వ్రతము – పర్వమున దేవగణపతికి
నిపుడు || 3 ||
| జయ మంగళం నిత్య శుభ మంగళం |
పానకము
వడపప్పు పనస మామిడిపండ్లు – దానిమ్మ ఖర్జూర ద్రాక్షపండ్లు |
తేనెతో మాగిన
తియ్య మామిడిపండ్లు – మాకు బుద్ధినిచ్చు
గణపతికి నిపుడు || 4 ||
| జయ మంగళం నిత్య శుభ మంగళం |
ఓ బొజ్జగణపయ్య
నీ బంటు నేనయ్య – ఉండ్రాళ్ళ మీదికి
దండు పంపు |
కమ్మని
నెయ్యియు కడుముద్దపప్పును – బొజ్జవిరుగగ దినుచు పొరలుకొనుచు || 5 ||
| జయ మంగళం నిత్య శుభ మంగళం |
వెండిపళ్ళెరములో
వెయివేల ముత్యాలు – కొండలుగ నీలములు
కలియబోసి |
మెండుగను
హారములు మెడనిండ వేసికొని – దండిగా నీకిత్తు ధవళారతి || 6 ||
| జయ మంగళం నిత్య శుభ మంగళం |
పువ్వులను
నినుగొల్తు పుష్పాల నినుగొల్తు – గంధాల నినుగొల్తు కస్తూరినీ |
ఎప్పుడూ
నినుగొల్తు ఏకచిత్తంబున – పర్వమున దేవగణపతికి
నిపుడు || 7 ||
| జయ మంగళం నిత్య శుభ మంగళం |
ఏకదంతంబును
ఎల్లగజవదనంబు – బాగయిన తొండంబు వలపు
కడుపు |
జోకయున
మూషికము సొరిదినెక్కాడుచును – భవ్యుడగు దేవగణపతికి నిపుడు || 8 ||
| జయ మంగళం నిత్య శుభ మంగళం |
మంగళము మంగళము
మార్తాండతేజునకు – మంగళము
సర్వజనవందితునకు |
మంగళము
ముల్లోక మహితసంచారునకు – మంగళము దేవగణపతికి
నిపుడు || 9 ||
| జయ మంగళం నిత్య శుభ మంగళం |
సిద్ధివిఘ్నేశ్వర
ప్రసిద్ధిగా పూజింతు – ఒనరంగ నిరువదియొక్క
పత్రి |
దానిమ్మ
మరువము దర్భ విష్ణుక్రాంత – యుమ్మెత్త దూర్వార యుత్తరేణి |
కలువలు మారేడు
గన్నేరు జిల్లేడు – దేవకాంచన రేగు
దేవదారు |
జాజి
బలురక్కసి జమ్మిదాచెనపువ్వు – గరిక మాచిపత్రి మంచిమొలక || 10 ||
| జయ మంగళం నిత్య శుభ మంగళం |
అగరు
గంధాక్షతల్ ధూప దీప నైవేద్య తాంబూల పుష్పోపహారములును |
భాద్రపద
శుద్ధచవితిని పగటివేళ కుడుములు నానుబాలు ఉండ్రాళ్ళు పప్పు
పాయసము జున్ను
దేనెను పంక్తిమీర కోరిపూజింతు నిన్నెపుడు కోర్కెలలర || 11 ||
| జయ మంగళం నిత్య శుభ మంగళం |
బంగారుచెంబుతో
గంగోదకముదెచ్చి సంగతిగ శిశువునకు జలకమార్చి |
మల్లెపువ్వులు
దెచ్చి మురహరుని పూజింతు రంగైన నా ప్రాణాలింగమునకు || 12 ||
| జయ మంగళం నిత్య శుభ మంగళం |
పట్టుచీరలు
మంచి పాడిపంటలుగల్గి గట్టిగా కనకములు కరులు హరులు |
ఇష్టసంపదలిచ్చి
యేలినస్వామికి పట్టభద్రుని దేవ గణపతికి నిపుడు || 13 ||
| జయ మంగళం నిత్య శుభ మంగళం |
ముక్కంటి
తనయుడని ముదముతో నేనును చక్కనైన వస్తుసమితి గూర్చి |
నిక్కముగ
మనమును నీయందె నే నిల్పి ఎక్కువగు పూజలాలింపజేతు || 14 ||
| జయ మంగళం నిత్య శుభ మంగళం |
మల్లెలా
మొల్లలా మంచిసంపెంగలా చల్లనైనా గంధసారములను |
ఉల్లమలరగ మంచి
ఉత్తమపు పూజలు కొల్లలుగ నే జేతు కోరి విఘ్నేశ || 15 ||
| జయ మంగళం నిత్య శుభ మంగళం |
దేవాదిదేవునకు
దేవతారాధ్యునకు దేవేంద్రవంద్యునకు దేవునకును |
దేవతలు
మిముగొల్చి తెలిసి పూజింతురు భవ్యుడగు దేవగణపతికి నిపుడు || 16 ||
| జయ మంగళం నిత్య శుభ మంగళం |
చెంగల్వ చేమంతి
చెలరేగి గన్నేరు తామరలు తంగేడు తరచుగాను |
పుష్పజాతులు
తెచ్చి పూజింతు నేనెపుడు బహుబుద్ధి గణపతికి బాగుగాను || 17 ||
| జయ మంగళం నిత్య శుభ మంగళం |
మారేడు మామిడి
మాదీఫలంబులు ఖర్జూర పనసలును కదళికములు |
నేరేడు
నెలవంది టెంకాయ తేనెయు చాలగా నిచ్చెదరు చనువుతోను || 18 ||
| జయ మంగళం నిత్య శుభ మంగళం |
ఓ బొజ్జగణపతి
ఓర్పుతో రక్షించి కాచి మమ్మేలుమీ కరుణతోను |
మాపాలగలవని
మహిమీద నెల్లపుడు కొనియాడుచుందుము కోర్కెదీర || 19 ||
| జయ మంగళం నిత్య శుభ మంగళం |
|| ఇతి శ్రీ వినాయక మంగళ హారతి సమాప్తం ||