Dwadasa Jyothirlingani – ద్వాదశ జ్యోతిర్లింగాని
సౌరాష్ట్రే సోమనాథం చ
శ్రీశైలే మల్లికార్జునం |
ఉజ్జయిన్యాం
మహాకాలమోంకారమమలేశ్వరం || 1 ||
పరల్యాం వైద్యనాథం చ
డాకిన్యాం భీమశంకరం |
సేతుబంధే తు రామేశం
నాగేశం దారుకావనే || 2 ||
వారాణస్యాం తు
విశ్వేశం త్ర్యంబకం గౌతమీతటే |
హిమాలయే తు కేదారం
ఘుష్మేశం చ శివాలయే || 3 ||
ఏతాని
జ్యోతిర్లింగాని సాయం ప్రాతః పఠేన్నరః |
సప్తజన్మకృతం పాపం
స్మరణేన వినశ్యతి || 4 ||
ఏతేషాం దర్శనాదేవ
పాతకం నైవ తిష్ఠతి |
కర్మక్షయో భవేత్తస్య
యస్య తుష్టో మహేశ్వరాః || 5 ||
|| ఇతి ద్వాదశ జ్యోతిర్లింగాని సంపూర్ణం ||