Achyutashtakam – అచ్యుతాష్టకం
అచ్యుతం కేశవం రామ
నారాయణం
కృష్ణ దామోదరం వాసుదేవం
హరిమ్ |
శ్రీధరం మాధవం
గోపికావల్లభం
జానకీనాయకం రామచంద్రం భజే
|| 1 ||
అచ్యుతం కేశవం
సత్యభామాధవం
మాధవం శ్రీధరం
రాధికాఽరాధితం |
ఇందిరామందిరం చేతసా
సుందరం
దేవకీనందనం నందజం సందధే || 2
||
విష్ణవే జిష్ణవే శంఖినే
చక్రిణే
రుక్మిణీరాగిణే
జానకీజానయే |
వల్లవీవల్లభాయాఽర్చితాయాత్మనే
కంసవిధ్వంసినే వంశినే తే
నమః || 3 ||
కృష్ణ గోవింద హే రామ
నారాయణ
శ్రీపతే వాసుదేవాజిత
శ్రీనిధే |
అచ్యుతానంత హే
మాధవాధోక్షజ
ద్వారకానాయక ద్రౌపదీరక్షక
|| 4 ||
రాక్షసక్షోభితః సీతయా
శోభితో
దండకారణ్యభూపుణ్యతాకారణం |
లక్ష్మణేనాన్వితో
వానరైస్సేవితో-
ఽగస్త్యసంపూజితో రాఘవః
పాతు మామ్ || 5 ||
ధేనుకారిష్టకోఽనిష్టకృద్ద్వేషిణాం
కేశిహా
కంసహృద్వంశికావాదకః |
పూతనాకోపకః సూరజాఖేలనో
బాలగోపాలకః పాతు మాం
సర్వదా || 6 ||
విద్యుదుద్యోతవత్ప్రస్ఫురద్వాససం
ప్రావృడంభోదవత్ప్రోల్లసద్విగ్రహం
|
వన్యయా మాలయా
శోభితోరస్స్థలం
లోహితాంఘ్రిద్వయం
వారిజాక్షం భజే || 7 ||
కుంచితైః
కుంతలైర్భ్రాజమానాననం
రత్నమౌళిం లసత్కుండలం
గండయోః |
హారకేయూరకం
కంకణప్రోజ్జ్వలం
కింకిణీమంజులం శ్యామలం తం
భజే || 8 ||
అచ్యుతస్యాష్టకం యః
పఠేదిష్టదం
ప్రేమతః ప్రత్యహం పూరుషః
సస్పృహం |
వృత్తతస్సుందరం వేద్య
విశ్వంభరం
తస్య వశ్యో హరిర్జాయతే
సత్వరం || 9 ||
|| ఇతి శ్రీ అచ్యుతాష్టకం సంపూర్ణం ||