Sankata Nashana Ganesha Stotram - సంకట నాశన గణేశ స్తోత్రం
నారద ఉవాచ:-
ప్రణమ్య శిరసా దేవం గౌరీపుత్రం వినాయకం|
భక్తావాసం
స్మరేన్నిత్యమాయుష్కామార్థసిద్ధయే ||1||
ప్రథమం వక్రతుండం చ ఏకదంతం ద్వితీయకం|
తృతీయం కృష్ణపింగాక్షం గజవక్త్రం చతుర్థకమ్
||2||
లంబోదరం పంచమం చ షష్ఠం వికటమేవ చ|
సప్తమం విఘ్నరాజం చ ధూమ్రవర్ణం తథాష్టమం ||3||
నవమం భాలచంద్రం చ దశమం తు వినాయకం|
ఏకాదశం గణపతిం ద్వాదశం తు గజాననమ్ ||4||
ద్వాదశైతాని నామాని త్రిసంధ్యం యః పఠేన్నరః|
న చ విఘ్నభయం తస్య సర్వసిద్ధికరం పరం ||5||
విద్యార్థీ లభతే విద్యాం ధనార్థీ లభతే ధనం|
పుత్రార్థీ లభతే పుత్రాన్మోక్షార్థీ లభతే
గతిమ్ ||6||
జపేద్గణపతిస్తోత్రం షడ్భిర్మాసైః ఫలం లభేత్|
సంవత్సరేణ సిద్ధిం చ లభతే నాత్ర సంశయః ||7||
అష్టభ్యో బ్రాహ్మణేభ్యశ్చ లిఖిత్వా యః సమర్పయేత్|
తస్య విద్యా భవేత్సర్వా గణేశస్య ప్రసాదతః ||8||
|| ఇతి శ్రీ నారద పురాణే సంకష్టనాశనం నామ
గణేశ స్తోత్రం సమాప్తం ||