Sri Shiridi Sai Baba Chalisa - శ్రీ షిరిడి సాయిబాబా చాలీసా
శిరిడీ వాసా సాయిప్రభో - జగతికి
మూలం నీవె ప్రభో
దత్త దిగంబర అవతారం - నీతో సృష్టి
వ్యవహారం
త్రిమూర్తి రూపా ఓసాయి - కరుణించి
కాపాడోయి
దరిశనమీయగ రావయ్యా - ముక్తికి
మార్గం చూపుమయా || శిరిడీ వాసా సాయిప్రభో... ||
కఫిని వస్త్రము ధరియించి - భుజముకు
జోలి తగిలించి
నింబవృక్షపు ఛాయలలో - ఫకీరు వేషపు
ధారణలో
కలియుగమందున వెలసితివి - త్యాగం
సహనం నేర్పితివి
శిరిడీ గ్రామం నీవాసం - భక్తుల
మదిలో నీరూపం || శిరిడీ వాసా సాయిప్రభో... ||
చాంద్‌పాటిలును కలుసుకొని - ఆతని
బాధలు తెలుసుకుని
గుఱ్ఱపుజాడ తెలిపితివి - పాటిల్‌
బాధను తీర్చితివి
వెలిగించావు జ్యోతులను -
నీవుపయోగించీ జలము
అచ్చెరువొందెను ఆగ్రామం - చూసీ వింతైనా
దృశ్యం || శిరిడీ వాసా సాయిప్రభో... ||
బాయిజా చేసెను నీసేవా -
ప్రతిఫలమిచ్చావో దేవా
నీ ఆయువునూ బదులిచ్చీ - తాత్యానూ
నీవు బ్రతికించి
పశుపక్షులనూ ప్రేమించీ - ప్రేమతొ
వాటిని లాలించీ
జీవులపైనా మమకారం - చిత్రమయా నీ
వ్యవహారం || శిరిడీ వాసా సాయిప్రభో... ||
నీ ద్వారములో నిలిచితినీ - నిన్నే
నిత్యము కొలిచితినీ
అభయమునిచ్చీ బ్రోవుమయా - ఓ శిరిడీశా
దయామయా
ధన్యము ఓ ద్వారకమాయీ - నీలో
నిలిచెను శ్రీసాయీ
నీ ధునిమంటల వేడిమికీ - పాపము
పోవునుతాకిడికీ || శిరిడీ వాసా సాయిప్రభో... ||
ప్రళయ కాలమూ ఆపితివీ - భక్తులనూ
నీవు బ్రోచితివీ
చేసి మహమ్మారి నాశనము - కాపాడీ
శిరిడీ గ్రామం
అగ్నిహోత్రీ శాస్త్రీకీ - లీలా
మహత్యం చూపించీ
శ్యామానూ బ్రతికించితివీ - పామూ
విషమూ తొలగించీ || శిరిడీ వాసా సాయిప్రభో... ||
భక్తభీమాజీ క్షయరోగం - నశియించే
అతనీ సహనం
ఊదీ వైద్యం చేశావూ - వ్యాధిని మాయం
చేశావూ
కాకాజీ కి ఓసాయీ - విఠలదర్శనం
ఇచ్చితివీ
దామూకిచ్చీ సంతానం - కలిగించితివీ
సంతోషం || శిరిడీ వాసా సాయిప్రభో... ||
కరుణాసింధూ కరుణించూ - మాపై కరుణా
కురిపించూ
సర్వం నీకే అర్పితమూ - పెంచుము
భక్తీభావమును
ముస్లిం అనుకొనె నినుమేఘా -
తెలుసుకునీ ఆతని బాధా
దాల్చీ శివశంకర రూపం - ఇచ్చావయ్యా
దరిశనమూ || శిరిడీ వాసా సాయిప్రభో... ||
డాక్టరుకూ నీవు రామునిగా -
బల్వంతుకు శ్రీదత్తునిగా
నిమోనుకరుకూ మారుతిగా - చిదంబరుకు
శ్రీగణపతిగా
మార్తాండ్‌కు ఖండోబాగా - గణూకు
సత్యదేవునిగా
నరసింహస్వామిగ జోషీకి -
దరిశనమిచ్చిన శ్రీసాయి || శిరిడీ వాసా సాయిప్రభో... ||
రేయీ పగలూ నీధ్యానం - నిత్యం నీలీలా
పఠనం
భక్తితో చేయండీ ధ్యానం - లభించునూ
ముక్తికి మార్గం
పదకొండూ నీ వచనాలు - బాబా మాకవె
వేదాలూ
శరణని వచ్చిన భక్తులను - కరుణించి
నీవూ బ్రోచితివీ || శిరిడీ వాసా సాయిప్రభో... ||
అందరిలోనా నీ రూపం - నీ మహిమా అతి
శక్తిమయం
ఓసాయీ మేము మూఢులమూ - ఒసగుమయా మాకు
జ్ఞానమునూ
సృష్టికి నీవేనయ మూలం - సాయీ మేమూ
సేవకులం
సాయీ నామము తలచెదమూ - నిత్యము
సాయిని కొలిచెదమూ || శిరిడీ వాసా సాయిప్రభో... ||
భక్తిభావనా తెలుసుకొనీ - సాయిని
మదిలో నిలుపుకొనీ
చిత్తముతో సాయీ ధాన్యం - చేయండీ
ప్రతినిత్యం
బాబా కాల్చిన ధునిఊదీ - నివారించునూ
అదివ్యాధీ
సమాధినుండీ శ్రీసాయీ - భక్తులనూ
కాపాడేనోయి || శిరిడీ వాసా సాయిప్రభో... ||
మనప్రశ్నలకు జవాబులూ - తెలుపును
సాయీ చరితములూ
వినండి లేక చదవండీ - సాయీ సత్యం
చూడండీ
సత్సంగమునూ చేయండీ - బాబా స్వప్నం
పొందండీ
భేదభావములు మానండీ - సాయే మన
సద్గురువండీ || శిరిడీ వాసా సాయిప్రభో... ||
వందనమయ్యా పరమేశా - ఆపద్బాంధవ
సాయీశా
మా పాపములూ కడతేర్చూ - మామది కోరిక
నెరవేర్చూ
కరుణామూర్తీ ఓసాయీ - కరుణతో మము
దరిచేర్చోయీ
మా మనసే నీ మందిరమూ - మా పలుకులే
నీకు నైవేద్యం || శిరిడీ వాసా సాయిప్రభో... ||
|| అఖిలాండకోటి
బ్రహ్మాండనాయక శ్రీ సచ్చిదానంద సద్గురు సాయినాధ్ మహారాజ్ కీ జై ||